2020 jylǵy Eýropa chempıonatynyń irikteý kezeńi qarsańynda Qazaqstan quramasy alǵashqy oqý-jattyǵý jıynyn 15-22 aqpan aralyǵynda Túrkııada ótkizedi. 21 aqpan kúni Moldova quramasymen joldastyq match belgilengen.
2018 jyldyń jeltoqsan aıyndaǵy FIFA reıtıngi boıynsha Moldova quramasy 170-orynda tur. Al Qazaqstan 119-orynǵa jaıǵasqan. Búginge deıin eki qurama jasyl alańda tórt ret kezdesken. Bir oıynda Qazaqstan quramasy jeńiske jetse, eki oıynda Moldova fýtbolshylary basym túsken. Al bir oıyn teń nátıjemen aıaqtalǵan. Bir qyzyǵy, oıyndardyń bári joldastyq kezdesý aıasynda ótken. Qazaqstan men Moldova fýtbolshylary áli kúnge deıin resmı match ótkizbegen. 21 aqpandaǵy kezdesý eki qurama arasyndaǵy besinshi joldastyq match bolmaq.
Oqý-jattyǵý jıynyna shaqyrylatyn fýtbolshylardyń tizimi keıin habarlanady.
Álı BITО́RE,
«Egemen Qazaqstan»
