О́ńirdegi «Sıfrly Qazaqstan» baǵdarlamasyn júzege asyrý maqsatynda qolǵa alynǵan jumystar aıaqtalýǵa jaqyn. Qazir qala ishindegi qoǵamdyq kólik toqtaıtyn 10 orynǵa «aqyldy» aıaldama qoıyldy. Taldyqorǵan qalasy Jolaýshylar kóligi jáne avtomobıl joldary bólimi memlekettik mekemesiniń tapsyrys berýimen Smart aıaldama qurylysyn «Aıbyn» JShS júrgizip jatyr. О́tken jyldyń qazan aıynan beri 10 aıaldama tolyq jasaqtalyp, qoldanysqa berilse, jaqyn kúnderi taǵy da 10 «aqyldy» aıaldama esigin ashpaqshy.
Bul - elimiz boıynsha qyzý iske asyp jatqan «Sıfrlandyrý baǵdarlamasy» boıynsha Jetisýdyń bas qalasynda jasalǵan jumystyń bir parasy ǵana. Buǵan deıin qala kóshelerin beınebaqylaýǵa kóshirý jobasy júzege asqan bolatyn. Nátıjesinde qala qaýipsizdigin beınequrylǵylar arqyly qadaǵalaý sátimen júzege asty. Búginde oblys ortalyǵyndaǵy beısaýyt júristi qalt jibermeıtin 669 kamera jumys istep tur. Jáne atalǵan qurylyǵylardyń barlyǵy Ishki ister basqarmasynyń jedel ortalyǵyna tikeleı jalǵanǵan, bul tártip saqshylarynyń dabyl qabyldaý men jyldam áreket etý múmkindigin eselep arttyrǵan.
Qalmahanbet MUQAMETQALI,
«Egemen Qazaqstan»
Almaty oblysy
