Spıkerdiń aıtýynsha, bul baǵyt Elbasymyz jarııalaǵan Jastar jyly aıasynda júzege asyrylyp, júzdegen jas aqtóbelikti turǵyn úımen qamtamasyz etýge baǵyttalǵan.
«Qazirgi ýaqytta jastar úshin ózekti máselelerdiń biri - óz baspanasynyń bolmaýy. Osyǵan baılanysty Aqtóbe oblysy ákiminiń tapsyrmasyna saı, Aqtóbe qalasynyń ákimdigi, oblystyq Jastar saıasaty máseleleri basqarmasy «Turǵyn úı qurylys jınaq banki» AQ-men birlese otyryp, jastar men jas otbasylardy turǵyn úımen qamtamasyz etý boıynsha baǵytty iske asyrýǵa kiristi», - dedi Nurlan Kúntýov.
Biregeı baǵdarlamaǵa 29 jasqa deıingi oblys turǵyndary qatysa alady. Olar aýdany 40-50 sharshy metr bolatyn 1 bólmeli páterlerge úmitker bola alady, bul rette turǵyn úı alańy úshin bastapqy jarna kólemi ortasha eseppen 350 myń teńgeni, al aı saıynǵy tólem 35 myń teńgeni quraıdy.
