Statıstıkalyq málimetter boıynsha, elordada 2018 jyldyń úshinshi toqsanynyń qorytyndysyna sáıkes 35 695 myń ózin-ózi jumyspen qamtýshy azamat tirkelgen.
«О́zin-ózi jumyspen qamtyǵan azamattardyń málimetterin ózektendirý jáne óńdeý BIG DATA derekter qory, jeke tulǵalardyń memlekettik derekter qory turǵyndardy tirkeý arqyly júrgiziledi. 30 qańtardaǵy jaǵdaı boıynsha, 73 925 azamattyń áleýmettik mártebesi rastaldy. Elordanyń 55 353 turǵyny mártebesin anyqtaý sharalary óńdelýde», – delingen qalalyq Jumyspen qamtý jáne áleýmettik qorǵaý basqarmasynyń habarlamasynda.
Qazirgi ýaqytta vedomstvo 1 qańtardan bastap áreket ete bastaǵan biryńǵaı jıyntyq tólemdi (BJT) engizý boıynsha túsindirý jumystaryn júrgizýde. ShOB-tyń jańa quqyqtyq rejımin engizý salyq organdarynda formaldy emes jumyspen qamtylǵan qyzmetti tirkeýdiń ońaılatylǵan tártibin kózdeıdi. Budan basqa, Eńbek jáne halyqty áleýmettik qorǵaý mınıstrligimen birlesip, Astanada jumyspen qamtýdy formalızasııalaý týraly aqparattyq-túsindirý jumystary boıynsha Jol kartasy bekitildi.
