Úkimettegi brıfıngte Indýstrııa jáne ınfraqurylym mınıstri Jeńis Qasymbek atap ótkendeı, bılet satý sáýir aıynyń sońynda bastalady. Bul rette áýekompanııa qyzmetiniń baǵasy Air Astana-ǵa qaraǵanda 2 ese tómen bolady. Jeńis Qasymbek 2 bort daıyn ekenin aıtty. Osy jyly kompanııada A320 modelindegi tórt ushaq bolady. Fly Arystan alǵashqy jyly 1 mıllıon jolaýshyǵa deıin tasymaldaýdy josparlap otyr.
Jeńis Qasymbek, QR Indýstrııa jáne ınfraqurylymdyq damý mınıstri:
«Ár túrli baǵyttardy, bılet baǵasynyń dınamıkasyn eskere otyryp, 1 apta ishinde – bir baǵany , 3 kún ishinde – ekinshi baǵany, 1 saǵat ishinde-úshinshi baǵanyń ózgerýi, munyń barlyǵyn eskerip,esepteý qajet. Toptyq bılet baǵasy da ózgeshe bolmaq. Kóptegen jeńildikter de bar».
Sonymen qatar, mınıstr kóp balaly otbasylarǵa arnalǵan turǵyn úı qurylysy týraly aıtyp berdi. Onyń aıtýynsha, Úkimet qosymsha páterler salý úshin qarajat izdeýde. Jeńis Qasymbek atap ótkendeı, mınıstrlik "Nurly jer" memlekettik baǵdarlamasyna kóp balaly otbasylarǵa kómek kórsetý úshin arnaıy bólim engizýdi usynady. Bıylǵy jyly jalǵa beriletin turǵyn úı qurylysyn qarjylandyrý 25-ten 35 mlrd teńgege deıin artady. Osynyń esebinen 4 myń páter salynyp, jalǵa beriletin bolady.
