Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda halyq tutynatyn taýarlardyń aýqymdy nomenklatýrasyn ıgerip, «qarapaıym zattar ekonomıkasyn» damytý úshin kásiporyndarymyzǵa kómektesý týraly tapsyrma berdi. Bul eksporttyq áleýetimizdi júzege asyrý turǵysynan ǵana emes, sondaı-aq ishki naryqty otandyq taýarlarmen toltyrý úshin de mańyzdy. Úkimetke óńdeý ónerkásibi men shıkizattyq emes eksportty qoldaý maqsatymen aldaǵy 3 jylda qosymsha 500 mlrd teńge bólý tapsyryldy.
«Biz jetekshilik etetin oblystar boıynsha qazaqstandyqtar kúndelikti paıdalanatyn osyndaı 250 taýar ataýyn anyqtadyq, olardyń ımporty búginde 80%-dan asady. Aldaǵy úsh jylda atalǵan taýarlar boıynsha ımport úlesin 50%-ǵa deıin qysqartýdy kózdep otyrmyz», — dedi J. Qasymbek.
Ásirese jeńil ónerkásiptiń damýy yntalandyrylady, bul: mata shyǵarý, kıim men aıaq-kıim tigý, tyńaıtqyshtar, lak jáne boıaý ónimderi, terezeler men esikter, jıhaz shyǵarý jáne t.b.
Sonymen qatar, J. Qasymbek baspasóz konferensııasy aıasynda geologııa jáne jer qoınaýyn paıdalaný salalaryn damytý týraly sóz qozǵady. 2018 jylǵy shildeden bastap Jer qoınaýy týraly jańa kodeks kúshine endi, bul kodeks jer qoınaýyn paıdalaný salasyndaǵy ákimshilik rásimderdi jeńildetip, osylaısha geologııalyq barlaý salasyna tartylatyn ınvestısııalar kólemin ulǵaıtýǵa múmkindik beredi. Sonyń nátıjesinde Qazaqstan Freızer ınstıtýtynyń jer qoınaýyn paıdalanýdyń ınvestısııalyq tartymdylyǵy reıtınginde óz pozısııasyn 49 tarmaqqa jaqsartyp, 24 orynǵa turaqtady.
