«Sońǵy kezderi buqaralyq aqparat quraldary jáne tanymal qoǵamdyq qorlardyń qyzmeti arqyly belgili bolyp otyrǵan, mektepterde oryn alǵan kúsh kórsetý, qorqytý men qorlyq kórsetý áreketteri keń kólemde qoǵamnyń narazylyǵyn týdyryp otyr», dedi ol.
Onyń aıtýynsha, IýNISEF balalar qorynyń derekteri boıynsha álemde 13-15 jas aralyǵyndaǵy árbir ekinshi oqýshy, shamamen 150 mln-ǵa jýyq bala mektepterde nemese oǵan jaqyn jerlerde óz qurdastary tarapynan qorlyq kóredi eken.
«Mektepterde oryn alyp otyrǵan zorlyq-zombylyq jaǵdaılary – bul barlyq memlekettik organdardyń jumysyndaǵy kemshilik ekenin moıyndaý qajet. Bul máselege kóz jumyp qaraýǵa bolmaıdy. Osy túıtkildiń shyǵý sebepterin anyqtap, mektepterdi jaılaǵan qorqynysh pen úreıden túbegeıli qutylý úshin naqty sharalar qoldaný qajet. Bul muǵalimderdiń, ata-analar men jastar uıymdarynyń, barlyq deńgeıdegi ákimderdiń jáne tutas qoǵamnyń aldyndaǵy mańyzdy mindetke aınalýy tıis», dedi Parlament Senatynyń tóraǵasy.
