Áskerı bilimniń bıigindegi 15 jyl
Beısenbi, 1 naýryz 2012 7:28
Keshe Ulttyq qorǵanys ýnıversıteti óziniń 15 jyldyq mereıtoıyn saltanatty jaǵdaıda atap ótti. Áskerı bilim ordasyn qurylǵan kúnimen quttyqtaýǵa qurmetti qonaqtar kóptep keldi. Mártebeli meımandarǵa mereıtoılyq medaldar tabys etildi. Merekege jınalǵandar aldynda Ulttyq qorǵanys ýnıversıtetiniń bastyǵy, general-maıor Nıkolaı Qýatov sóz sóıledi.
Beısenbi, 1 naýryz 2012 7:28
Keshe Ulttyq qorǵanys ýnıversıteti óziniń 15 jyldyq mereıtoıyn saltanatty jaǵdaıda atap ótti. Áskerı bilim ordasyn qurylǵan kúnimen quttyqtaýǵa qurmetti qonaqtar kóptep keldi. Mártebeli meımandarǵa mereıtoılyq medaldar tabys etildi. Merekege jınalǵandar aldynda Ulttyq qorǵanys ýnıversıtetiniń bastyǵy, general-maıor Nıkolaı Qýatov sóz sóıledi.
Áskerı bilimniń qara shańyraǵynda Qazaqstan Qarýly Kúshterimen qatar, basqa da áskerler men áskerı quralymdardyń ofıserleri joǵary bilim alady. Sonymen qatar, Ujymdyq qaýipsizdik sharty uıymyna múshe memleketter Qarýly Kúshteriniń ókilderi de osy jerde bilim alýda.
Ulttyq qorǵanys ýnıversıteti Ortalyq Azııa aımaǵyndaǵy joǵary áskerı bilim beretin birden-bir oqý orny bolyp tabylady. 1997 jyly Qazaqstan Respýblıkasy Prezıdentiniń Jarlyǵymen Almaty joǵary áskerı ýchılıshesi QR QK Áskerı akademııasy bolyp qaıta quryldy. 2003 jyly atalǵan akademııanyń bazasynda «Ulttyq qorǵanys ýnıversıteti» memlekettik mekemesi quryldy.
Oqý ornynyń negizgi tapsyrmalarynyń qataryna áskerı mamandarǵa magıstratýra mamandyǵy boıynsha joǵary bilim berý, adıýnktýra mamandyǵy boıynsha ǵylymı jáne ǵylymı-pedagogıkalyq mamandar daıyndaý kiredi. Sonymen qatar, joǵary akademııalyq kýrstar men áskerı ǵylym salasyndaǵy ǵylymı zertteýler de osy jerde júzege asady.
Byltyrǵy jańa oqý jylynda Ulttyq qorǵanys ýnıversıtetinde Qorǵanys mınıstri Ádilbek Jaqsybekovtiń qatysýymen áskerı jáne memlekettik basqarý, doktorantýra jáne QR IIM Ishki áskerleriniń fakýltetteri saltanatty jaǵdaıda ashylǵan bolatyn.
Zamanaýı qurylǵylar bolashaq komandırge elektrondy kartadaǵy taktıkalyq jaǵdaıǵa qarap, jedel jáne shynaıy ýaqyttaǵy jaýyngerlik qımyldardyń kez kelgen túrin modeldeýge múmkindik berip qana qoımaıdy, sonymen qatar, olar ekranda syzbalardy, kesteler men fılmderdi jasaýǵa qol jetkize alady.
Qazirgi ýaqytta ýnıversıtettiń tárbıe jáne áleýmettik-quqyqtyq úderisterdi basqarý fakýltetinde «Halyq Qaharmany» kapıtan Azamat Jumadilov tyńdaýshy retinde oqyp jatyr.
Oksana PARPÝRA, Qorǵanys mınıstrligi baspasóz qyzmetiniń ókili.
