Dos júregine shekara kedergi emes

Juma, 27 sáýir 2012 1:39

Atyraýda IV halyqaralyq festıval ótti

Qazaqstan men Reseı arasyndaǵy dostyq, yntymaqtastyq baılanystyń jarqyn kýási Atyraý men Astrahan oblystarynyń mysalynan aıqyn ań­ǵarylyp keledi. Kórshiles oblys­tar­dyń ózara iskerlik baılanys ornatýy 1995 jyldan bastaý alady. Sodan bergi kezeńde kórshiler ekonomıkanyń barlyq derlik salasy boıynsha, sonyń ishinde, shaǵyn jáne orta bıznestegi yntymaqtastyq kelisimderin berik ornatty. Sonyń dálelindeı jyl saı­yn Atyraýǵa Astrahannyń, munaıly óńirge reseılik kórshilerdiń isker top­tarynyń saparlap kelýi jıileı tústi. Kórshiles oblystar tek ekonomıkalyq tıimdilikti kózdegen barys-kelispen shektelmeı, urpaqtar sabaqtas­ty­ǵyn­daı rýhanı, mádenı baılanystyń qanat jaıýyna da mán berip otyr.

Juma, 27 sáýir 2012 1:39

Atyraýda IV halyqaralyq festıval ótti

Qazaqstan men Reseı arasyndaǵy dostyq, yntymaqtastyq baılanystyń jarqyn kýási Atyraý men Astrahan oblystarynyń mysalynan aıqyn ań­ǵarylyp keledi. Kórshiles oblys­tar­dyń ózara iskerlik baılanys ornatýy 1995 jyldan bastaý alady. Sodan bergi kezeńde kórshiler ekonomıkanyń barlyq derlik salasy boıynsha, sonyń ishinde, shaǵyn jáne orta bıznestegi yntymaqtastyq kelisimderin berik ornatty. Sonyń dálelindeı jyl saı­yn Atyraýǵa Astrahannyń, munaıly óńirge reseılik kórshilerdiń isker top­tarynyń saparlap kelýi jıileı tústi. Kórshiles oblystar tek ekonomıkalyq tıimdilikti kózdegen barys-kelispen shektelmeı, urpaqtar sabaqtas­ty­ǵyn­daı rýhanı, mádenı baılanystyń qanat jaıýyna da mán berip otyr.

Aıtqandaı, Atyraý men Astrahan topyraǵyn meken etken etnostar ara­synda da tyǵyz baılanysty jandan­dy­ra túsken «Dos júregin shekara bóle almaıdy» atty halyqaralyq fes­tıval ótkizý dástúrge endi. Bıyl bul festıval tórtinshi ret Atyraýda ótti. Oǵan munaıly óńirdegi etnomá­denı birlestermen birge Reseıdiń Volgograd, Astrahan oblystarynan da osyndaı ortalyqtardyń ónerli ókil­deri belsene atsalysqan qatysýshy­lar­dy oblys ákiminiń orynbasary Serik Aıdarbekov quttyqtady. Atyraý­da­ǵy halyqaralyq festıvalǵa astra­handyqtardy bastap kelgen «Jol­das­tyq» qazaq mádenı qoǵamynyń tóraǵa­sy Ahmet Jarkenov ejelden kórshilik haqynyń mańyzyna basa mán beretin eki el arasyndaǵy yntymaqtastyq, iskerlik áriptestiktiń aıasy keńı tús­kenin gazet tilshisine bylaısha sıpattap berdi:

– Jahandaný dáýirinde kórshiles elderdiń ózara baılanysty órkendete túsýi úlken mánge ıe. Sebebi, kórshi el­derdegi halyqtar, konfessııalar ara­syndaǵy túsinistik pen dostyqty da­mytý – memleketaralyq turaqtylyq pen toleranttylyqty saqtaýdyń bas­ty faktory bola alady. О́ıtkeni, Re­seıdiń onnan óńiri Qazaqstanmen she­ka­ralasyp jatyr. Sonyń ishinde As­trahan oblysy men Qazaqstannyń Atyraý, Mańǵystaý, Batys Qazaqstan oblystarymen tarıhı, mádenı, áleý­met­tik-saıası, ekonomıkalyq baıla­nys­tardy órkendetýde sheshimin tap­paıtyn másele týyndaǵan emes. As­trahan óńirinde máńgilik tynys­taǵan Bó­keı hanǵa kesene turǵyzylýyn shekaralas óńirler arasyndaǵy tarıhı to­le­ranttylyqtyń dáleli deı alamyz.

Al festıval barysyna toqtalar bolsaq, ózge etnostardyń ókilderi óz tilderinde ǵana án shyrqaǵan joq. Bas­qa ulttardyń ánin de áýeletti, bıin de dóńgelene bıledi. Máselen, Aty­raý­daǵy «Murager» fo­l­­klorlyq ansambli qa­zaq sazgerleriniń kúı­le­rin oryndaýmen birge, «Evreı melodııa­sy» sekildi ózge ult­tardyń týyndylaryn da naqyshyna keltire oryndady. Ýkraın má­denıetin damytýǵa den qoıǵan «Hýtorıanka» etnomádenı bir­les­tiginiń ónerli ókil­deri qazaqtyń «Sary­jaı­laý» ánin tamyl­jyta oryndaǵanda, zal toly kórermen erek­she yqylas ta­nyt­ty. Osy ándi oryn­da­ǵan toptaǵy ýkraın arýynyń qazaq bıin burala bılegeni de halyqtar arasyndaǵy dostyq shekara bolmaıtynyn anyq ańǵartyp turdy.

Reseıden kelgen qazaq, orys, túr­kimen, cheshen-ıngýsh, kazak etnomádenı birlestikteriniń ókilderi óz ónerleri­men atyraýlyq ónersúıer qaýymnyń talqysyna saldy. Gazet tilshisine reseılik qonaqtar Qazaqstandaǵy etnos­aralyq tatýlyqty nyǵaıtýdyń ónege alarlyq tustary týraly pikirlerin bildirdi. Máselen, Astrahandaǵy cheshen qoǵamdyq uıymyna jetekshilik etetin Salavadı Abdýlkadırov: «Qa­zaq­stan halqy Assambleıasynyń qury­lýyn Prezıdent Nursultan Nazar­baevtyń etnosaralyq dostyqty ny­ǵaı­týdaǵy kóregen sheshimi dep esepteımin. О́ıtkeni, Qazaqstandaǵy memleket quraýshy ult pen ózge de etnos­tardy bir-birimen jaqyndastyryp, birlik pen yntymaqta ómir súrýin qa­lyptastyrýda Assambleıanyń róli erekshe. Osy úrdisti bizdiń Reseıde de qoldansa ǵanıbet bolar edi», dedi.

Reseılik «Kırıllısa» qoǵamdyq uıymynyń tóraǵasy Maksım Anıýshın mundaı halyqaralyq festı­val­diń el­aralyq baılanystardy odan ári jan­dandyrýda taǵylymdyq tusta­ry­na aı­ryqsha kóńil aýdardy. «Biz búgin Aty­raýdaǵy kóptegen etnomádenı birles­tikterdiń ókilderimen ózara pikir alysyp, túrli taqyrypta oı bólistik. О́ner ujymdarynyń óner­lerinen rýhanı nár aldyq, basqasha aıtqanda, janymyzdy baıyttyq. Atyraýdan jańa dostar taptyq. О́ıtkeni, dos jú­regine shekara kedergi bola almaıdy», degen pikirimen bólisti.

Joldasbek ShО́PEǴUL.

Atyraý oblysy.