«Dostyq kerýeni»: Astanada kezdeskenshe!..

Beısenbi, 17 mamyr 2012 7:53

О́ńirimizge Shyǵys Qazaqstan oblystyq máslıhatynyń hatshysy Grıgorıı Pınchýk, jergilikti Qazaqstan halqy Assambleıasynyń múshe­leri: Leo Shın, Erkinbek Aıazbaev bastaǵan «Dos­tyq kerýeni» tobynyń músheleri kelip, oblys ortalyǵyndaǵy «Dostyq úıinde» kezdesý ótkizdi. Eki oblys ókilderi qatysqan bul jıynǵa oblys ákiminiń orynbasary Aryn О́rsarıev, oblystyq máslıhattyń hatshysy Manap Kóbenov, etnomádenı birlestikterdiń músheleri qatysty.

Beısenbi, 17 mamyr 2012 7:53

О́ńirimizge Shyǵys Qazaqstan oblystyq máslıhatynyń hatshysy Grıgorıı Pınchýk, jergilikti Qazaqstan halqy Assambleıasynyń múshe­leri: Leo Shın, Erkinbek Aıazbaev bastaǵan «Dos­tyq kerýeni» tobynyń músheleri kelip, oblys ortalyǵyndaǵy «Dostyq úıinde» kezdesý ótkizdi. Eki oblys ókilderi qatysqan bul jıynǵa oblys ákiminiń orynbasary Aryn О́rsarıev, oblystyq máslıhattyń hatshysy Manap Kóbenov, etnomádenı birlestikterdiń músheleri qatysty.

Qonaqtardyń aıtýynsha, jalpy elimiz boı­­ynsha oblystar arasynda alǵash ret «Dos­tyq úıi» Shyǵys Qazaqstanda, О́skemen qa­la­synda ashylypty. Bıyl onyń qurylǵanyna 20 jyl tolǵan. «Bizdiń elimizdegi yntymaq pen birlik, turaqtylyq – ortaq múddemiz. Tutas­tyq­qa syzat túsirmeı saqtaý úshin barsha­myz­dyń maqsatymyz bir jerden shyǵýy kerek», deıdi «Dostyq kerýeniniń» músheleri.

Shyǵys Qazaqstan oblysynda búginde 9 dostyq úıi men 82 etnomádenı birlestik óz jumysyn júrgizýde. Ultaralyq turaqtylyq pen kelisimdi saqtaý jolynda aıtýly sharalar júzege asyrylyp kele jatqan óńirden kelgen delegasııa saparynyń maqsaty – basqa óńir­lerdegi ortalyqtarmen tájirıbe almasý, aralasyp, barys-kelis jasap turý.

– Bizdiń óńirde de shyǵysqazaqstandyqtar sııaqty turaqtylyq pen yntymaqty nyǵaıta túsý maqsatynda birqatar ıgilikti ister at­qa­rylyp jatyr. Elbasynyń Qazaqstan halqy Assambleıasynyń HIH sessııasynda alǵa qoı­ǵan mindetteri men maqsattaryn júzege asy­rý­da birleskenimiz abzal. Osy oraıda, búgingi eki óńirdiń ókilderi yntymaqtasyp, júzdesip oty­rýy aıtýly shara bolyp tabylady, – dedi ob­lys basshysynyń orynbasary Aryn О́rsarıev.

Pavlodar oblysynda da elimiz boıynsha tuńǵysh ret ulttyq jańǵyrý mektebi qurylyp, onda búginde júzdegen ártúrli ult ókilderi – shákirtter oqyp bilim alýda. Otyrys bary­syn­da ekijaqty tájirıbe almasyp, yntymaq­tasa jumys júrgizýdiń mańyzdylyǵy sóz boldy. «Dostyq kerýeniniń» ary qaraı jal­ǵa­satyndyǵy da aıtyldy. Shyǵys Qazaqstan oblysy Qazaqstan halqy Assambleıasynyń atqarýshy hatshysy Erkinbek Aıazbaev:

– Biz búgin «Dostyq kerýeniniń» estafe­ta­syn pavlodarlyqtarǵa tabystap otyrmyz. Endigi kezekte sizder kelesi óńirlerge osynaý tutastyqtyń týyn jelbiretip jetkizýlerińiz qajet. Bir úıdiń balalaryndaı berekeli, merekeli kún keshýimiz úshin osyndaı sharalar qa­jet. Jyly shyraımen qarsy alǵandaryńyzǵa rızamyz, – dedi.

Shyǵys Qazaqstan oblysynyń QHA ókilderi «Dostyqtyń jol kartasy» aksııasyn ótkizý, sondaı-aq ultaralyq qarym-qatynasty nyǵaıtý boıynsha etnomádenı birlestikterdiń jumysyn jandandyrý, óńirlerdiń etnomádenı birlestikterimen baılanys ornatý, shyǵar­ma­shylyq ujymdary men halyq óneriniń sheberlerin tanytý jaıly áńgimelep berdi.Sonymen qatar, «Dostyqtyń jol kartasy» baǵdar­la­ma­sy aıasynda dóńgelek ústelder, baspasóz máslıhaty, shyǵarmashylyq jáne qoldanbaly óner kórmesi, gala-konsertter uıymdasty­ry­latyn bolady.

Bizdiń oblysqa deıingi joldy shyǵys­qa­zaq­standyqtardyń «Dostyq kerýeni» oblystaǵy 9 «Dostyq úıiniń» eń jasy bolyp sanalatyn Degeleń dalasynda ornalasqan Kýrchatov qalasyndaǵy «Dostyq úıinde» 24 sáýirde bas­taǵan eken. Kerýen Astana qalasynyń týǵan kúninde elimizdiń barlyq etnomádenı uıym­dary ókilderiniń bas qosýymen aıaqtalady», dedi О́skemendegi «Dostyq úıiniń» dırektory Eldar Tóleýbekov.

Kezdesý sońy Estaı aqyn atyndaǵy qa­lalyq mádenıet saraıynda Shyǵys Qazaqstan oblystyq «Dostyq úıi» ónerpazdarynyń konsertine ulasty. Kórshi óńirdiń tynys-tirshiligin kórsetetin kóshpeli kórme ashyldy. Endigi «Dostyq kerýen» jolyn pavlodar­lyq­tar Qaraǵandyǵa jetkizedi.

Farıda BYQAI,

 «Egemen Qazaqstan».

Pavlodar.