«19 aqpan kúni saǵat 16:53-te Astananyń Temirjol turǵyn alabynda Ortalyq óńirlik aeromobıldi shuǵyl-qutqarý jasaǵynyń qutqarýshylary 2006 jyly týǵan balany izdestirý jumystaryn júrgizdi. Ol 16 aqpanda úıinen shyǵyp ketip, qaıta oralmaǵan. Saǵat 23:40-ta volonterlar ashyq jatqan káriz qudyqtarynyń birinen joǵalǵan balanyń denesin tapty. Qutqarýshylar máıitti alyp shyqty», Nursultan Nurahmetov.
Astana qalalyq Polısııa departamentiniń baspasóz qyzmeti málimdegendeı, oqıǵa boıynsha tergeý bastaldy. Sot-medısınalyq saraptama taǵaıyndaldy. Baqdáýlet О́mirhannyń denesinde kózge kórinetin zorlyq-zombylyq belgileri baıqalmaǵan.
«Balanyń joǵalý sebebin anyqtaý jáne onyń ornalasý jerin anyqtaý maqsatynda shuǵyl-izdestirý toby quryldy. Oǵan polıseıler, áskerı qyzmetshiler, tótenshe jaǵdaılar qyzmetkerleri endi. Sondaı-aq izdestirý jumystaryna eriktiler qosyldy. Áskerı qyzmetshiler men volonterlar kenttegi (Temirjol turǵyn alaby) ormandy alqaptardy, qaraýsyz qalǵan jer úılerdi, ashyq alańdardy, temirjol ótkelderin, káriz qudyqtaryn, sondaı-aq tehnıkanyń kómegimen trassalar boıyn tintip shyqty», dedi ol.
