«Múgedekterdi jumysqa ornalastyrý úshin arnaıy jumys oryndaryn quratyn jumys berýshilerdiń shyǵyndaryn sýbsıdııalaý qaǵıdalary men sharttaryn bekitý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2017 jyldyń 28 tamyzyndaǵy № 280 buıryǵyna saı atqarylady» dep málimdedi Jumyspen qamtý ortalyǵynda.
Erejelerge saı, sýbsıdııa múgedekterdi jumysqa ornalastyrý úshin arnaıy jumys oryndaryn jabdyqtaý (jaraqtandyrý) – múgedekterde organızmniń buzylǵan fýnksııalaryn jáne tirshilik-tynysynyń shektelýin tolyq nemese ishinara almastyratyn (ornyn toltyratyn) jáne olardyń eńbek fýnksııalaryn oryndaý múmkindigin jasaıtyn negizgi tehnologııalyq qural-jabdyqty, tehnologııalyq jaraqtandyrýdy, quraldardy, qosalqy jabdyqty alýǵa arnalǵan.
Sýbsıdııa ýaqytsha jumys oryndaryn ashatyn jumys berýshilerge berilmeıdi. Jumys berýshilerge sýbsıdııa mynadaı sharttar saqtalǵan kezde beriledi:
1) qurylyp jatqan arnaıy jumys oryndarynyń Qazaqstan Respýblıkasy Densaýlyq saqtaý jáne áleýmettik damý mınıstriniń 2016 jyldyń 14 maýsymyndaǵy № 519 buıryǵymen (Normatıvtik quqyqtyq aktilerdi memlekettik tirkeý tiziliminde № 13913 bolyp tirkelgen) bekitilgen Múgedektiń jumys orny standarttaryna sáıkes kelýi;
2) múgedekterdi jumysqa ornalastyrý jáne olardyń jumyspen qamtylýyn turaqty jumys orny qurylǵan sátten bastap saqtaý;
3) jumys berýshiniń jalaqy boıynsha qaryzdarynyń bolmaýy;
4) eseptelgen salyqtar, alymdar jáne bıýdjetke ózge de mindetti tólemder boıynsha bereshektiń bolmaýy;
5) jumys berýshiniń qurylǵan arnaıy jumys oryndarynda atqaryp otyrǵan laýazymyna sáıkes mólsherde jalaqy tóleýin qamtamasyz etýi.
«Múmkindigi shekteýli jandarǵa arnalǵan arnaıy jumys oryndaryn ashýǵa daıyn jumys berýshiler sýbsıdııa alý úshin atalmysh qujattardy Astana qalasy ákimdiginiń Halyqty jumyspen qamtý ortalyǵyna tapsyrýy qajet» delingen ortalyqtyń habarlamasynda.
