Shymkent qalalyq polısııa departamenti Eńbekshi aýdandyq polısııa basqarmasynyń polısııa maıory Jandos Sultanovqa alaıaqtyq isti qysqartyp berýi úshin 400 myń teńge para syıaqy bermek bolǵan.
Alaıda, Jandos Aıbaruly «aram oljadan» bas tartyp, óziniń Ata Zań aldynda adal ekendigin dáleldedi.
Shymkent qalasy polısııa departamenti taratqan málimetke súıensek, atalǵan is 20 aqpanda Eńbekshi aýdandyq polısııa basqarmasynda oryn alǵan.
Qazirgi tańda bul jaıtqa qatysty Shymkent qalasy Polısııa departamentiniń О́zindik qaýipsizdik basqarmasymen QR QK-niń 367-babynyń 1 bóligi «Memlekettik fýnksııalardy oryndaýǵa ýákilettik berilgen laýazymdy tulǵanyń jeke ózine nemese deldal arqyly para berý» boıynsha qylmystyq is qozǵalyp, sotqa deıingi tergep-tekserý amaldary júrgizilýde.
Al, zańsyzdyqtyń jolyn kesken qalalyq polısııa departamentiniń Eńbekshi APB Tergeý bóliminiń bastyǵy polısııa maıory Jandos Sultanovqa QR Úkimetiniń 2015 jylǵy 30-jeltoqsandaǵy №1131 qaýlysymen bekitilgen «Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylǵa ózge de jolmen járdemdesetin adamdardy kótermeleý qaǵıdalaryna» sáıkes, departament basshylyǵy tarapynan qarjylaı syıaqy tabystaldy.
Nurshat TО́KEN,
«Egemen Qazaqstan»
Shymkent
