«Bolashaq – stýdent jastardy Qazaqstanǵa jáne kerisinshe Qazaqstannan sheteldik joǵary oqý oryndaryna tartatyn negizgi uıymdardyń biri. Osyny negizge ala otyryp, biz kúsh biriktirgeli turmyz. Mundaǵy maqsat – shetelde turatyn qandastarymyzdyń qalaýynsha Qazaqstanda nemese sheteldiń áıgili joǵary oqý oryndarynda bilim alý múmkindigin qamtamasyz etý», deıdi «Otandastar» qory prezıdentiniń keńesshisi Dıdar Bolat.
Jaqyn kúnderi «Otandastar» qory men Halyqaralyq baǵdarlamalar ortalyǵy ókilderiniń Mońǵolııa, О́zbekstan jáne Reseı Federasııasyna birlesken sapary oryn alady. Olar sheteldegi qandastarmen, dálirek mektep oqýshylarymen kezdesip, Qazaqstanda jáne sheteldik jetekshi joǵarǵy oqý oryndarynda bilim alý múmkindikteri jaıly aqparattandyratyn bolady.
«Kelesi aıda biz Mońǵolııaǵa, 120 myńǵa jýyq qazaq turatyn Baıan-О́lgeı aýdanyna attanamyz. Ondaǵy qandastyń shamamen bir jarym myńy - bıylǵy mektep bitirýshi túlekter. Iаǵnı qazaqstandyq bilim ordalaryna túse alatyn áleýetti stýdentter. Máselen, ótken jyly О́zbekstannan Qazaqstanda bilim alýǵa 12 myń bala kelse, onyń 5 myńǵa jýyǵy – etnıkalyq qazaqtar. Olarǵa yńǵaıly tıimdi jaǵdaıdyń barlyǵy jasaldy. Aqtóbe ýnıversıteti bir jyl boıy tegin oqý múmkindigin usyndy. Mundaı baǵdarlamalar bizde kóp, tek qandastarymyzǵa aqparat kóp jaǵdaıda jetpeı jatady. Biz osy aqparattandyrý baǵytynda jumys isteıtin bolamyz», dedi «Otandastar» qory prezıdentiniń keńesshisi Dıdar Bolat.
«Otandastar» qory 2017 jyly Elbasynyń Dúnıejúzi qazaqtarynyń V quryltaıynda aıtqan tikeleı tapsyrmasymen qurylǵan bolatyn. Qor qandastardy tarıhı otan tóńireginde birlestirýdi maqsat tutady. Jumys josparyndaǵy basym baǵyttarynyń biri – bilim salasy.
