Premer-Mınıstr Úkimettiń jańa quramy Memleket basshysynyń joǵary senimin aqtaýy kerektigin aıtty.
«Úkimettiń jańa quramy aıqyn nátıjelerge baǵdar alǵan naqty ister Úkimetine aınalýy tıis», — dedi Asqar Mamın.
Prezıdent Úkimet aldyna halyqtyń tabysy men turmys deńgeıin arttyrý, ekonomıkany odan ári ártaraptandyrý, tıimdi jańa jumys oryndaryn qurý, shaǵyn jáne orta bıznesti damytý boıynsha birinshi kezektegi mindetterdi qoıyp otyr.
«Halyqtyń turmys sapasyn jaqsartýǵa yqpal etetin naqty nátıjeler alýymyz kerek», — dedi Premer-Mınıstr.
Erteń «Nur Otan» partııasynyń sezinde halyqty áleýmettik qoldaýdy kúsheıtý jáne olardyń turmys sapasyn arttyrý boıynsha birqatar jańa shara jarııalanatyny atalyp ótti. Kelesi Úkimet otyrysynda Prezıdenttiń sezde bergen jańa tapsyrmalary qaralady.
Otyrystyń sońynda «Qazaqstan Respýblıkasynyń Úkimeti týraly» Konstıtýsııalyq Zańdy oryndaý úshin Úkimet quramyna alǵash kirgenderdiń: Bilim jáne ǵylym mınıstri K. Shámshıdınovanyń, Indýstrııa jáne ınfraqurylymdyq damý mınıstri R. Sklıardyń, Ulttyq ekonomıka mınıstri R. Dálenovtiń ant berý rásimi ótti.
Eske sala keteıik, Memleket basshysynyń Jarlyqtarymen Úkimettiń jańa quramy bekitildi:
Premer-Mınıstrdiń birinshi orynbasary – Qarjy mınıstri — Álıhan Ashanuly Smaıylov;
Premer-Mınıstrdiń orynbasary — Gúlshara Naýshaqyzy Ábdiqalyqova;
Premer-Mınıstrdiń orynbasary — Jeńis Mahmuduly Qasymbek;
Bilim jáne ǵylym mınıstri — Kúlásh Noǵataıqyzy Shámshıdınova;
Ulttyq ekonomıka mınıstri — Rýslan Erbolatuly Dálenov;
Indýstrııa jáne ınfraqurylymdyq damý mınıstri — Roman Vasılevıch Sklıar;
Aýyl sharýashylyǵy mınıstri — Saparhan Kesikbaıuly Omarov;
Syrtqy ister mınıstri — Beıbit Bákiruly Atamqulov;
Qorǵanys mınıstri — Nurlan Baıuzaquly Ermekbaev;
Ishki ister mınıstri — Erlan Zamanbekuly Turǵymbaev;
Ádilet mınıstri — Marat Bakytjanuly Beketaev;
Energetıka mınıstri — Qanat Aldabergenuly Bozymbaev;
Densaýlyq saqtaý mınıstri — Eljan Amantaıuly Birtanov;
Mádenıet jáne sport mınıstri — Arystanbek Muhamedıuly;
Eńbek jáne halyqty áleýmettik qorǵaý mınıstri — Berdibek Mashbekuly Saparbaev.
Budan ózge, Qazaqstan Respýblıkasy Prezıdentiniń memlekettik basqarý júıesin odan ári jetildirý jónindegi sharalar týraly Jarlyǵyna sáıkes keıbir memlekettik organdar qaıta quryldy. Qazaqstannyń Qorǵanys jáne aeroǵarysh ónerkásibi mınıstrligi Sıfrlyq damý, qorǵanys jáne aeroǵarysh ónerkásibi mınıstrligi bolyp qaıta quryldy. Jańa mınıstrlik Aqparat jáne kommýnıkasııalar mınıstrliginiń baılanys, aqparattandyrý, «elektrondyq úkimet», memlekettik qyzmetter kórsetý salasyndaǵy memlekettik saıasatty damytýǵa jaýapty bolady. Jańa mınıstrlikke Asqar Qýanyshuly Jumaǵalıev basshylyq etedi.
