Sondaı-aq Kongo astanasy Kınshasada Itýrı provınsııasynan oralǵan bir adamnan vırýs anyqtalǵan.
DDU dereginshe, bul – 1976 jyly alǵash anyqtalǵannan beri tirkelip otyrǵan Ebola indetiniń 17-shi órshýi. Mamandardyń aıtýynsha, qazirgi jaǵdaı budan da keń taralýy múmkin, sebebi alǵashqy test nátıjelerinde oń kórsetkishter kóp jáne kúdikti jaǵdaılar sany ósip keledi.
Uıymnyń dereginshe, Kongonyń Itýrı provınsııasynda 88 kúdikti ólim jaǵdaıy tirkelip, 8 jaǵdaı zerthanada rastalǵan. Sondaı-aq 246 kúdikti jaǵdaı bar. Indet Býnııa qalasy men Mongvalý, Rvampara sııaqty altyn óndiretin aımaqtarǵa da taraǵan.
Bul indet «tótenshe jaǵdaı» dep baǵalanyp otyr. Sebebi Ebola-Býndıbýgıo vırýsyna qarsy bekitilgen dári de, vaksına da joq. Buǵan deıin tirkelgen Ebola jaǵdaılarynyń basym bóligi Ebola-Zaır shtammynan bolǵan.
DDU naýqastardy dereý oqshaýlaýdy, olarmen baılanysta bolǵan adamdardy kún saıyn baqylaýdy, el ishindegi qozǵalysty shekteýdi jáne halyqaralyq saparlardy 21 kúndik ınkýbasııalyq kezeń aıaqtalǵanǵa deıin toqtatýdy usyndy.
Sonymen qatar uıym Kongo men Ýgandaǵa arnaıy tótenshe jaǵdaı ortalyqtaryn quryp, indetti baqylaý men aldyn alý sharalaryn kúsheıtýdi tapsyrdy. Basqa elderge de shekaralyq baqylaýdy kúsheıtip, ishki joldarda tekserister júrgizý usynyldy.
DDU atap ótkendeı, vırýspen baılanysta bolǵan nemese aýrý juqtyrǵan adamdar medısınalyq evakýasııadan basqa jaǵdaıda halyqaralyq saparǵa shyqpaýǵa tıis.
Mamandardyń málimdeýinshe, Ebola qyzbasy hantavırýsqa qaraǵanda áldeqaıda qaýipti jáne onyń taralý qaýpi joǵary. Hantavırýs kóbine kemirgishterden adamǵa juǵyp, adamnan adamǵa berilmeıdi. Al Ebola vırýsy bıologııalyq suıyqtyqtar arqyly adamnan adamǵa ońaı taralady, bul indet oshaqtarynyń keńeıýine jol ashady.
Eske salaıyq, Fransııanyń Bordo portynda Ambition kemesinde bolǵan jaǵdaıǵa baılanysty 1700-den astam adam karantınge alyndy.
