Foto: Getty images
Asa aýyr salmaqtaǵy jekpe-jek on raýndqa josparlanǵan bolatyn jáne qarsylastar tolyq on raýnd bokstasyp shyqty.
Ivan Dychko alǵashqy raýndtyń ózinde qarsylasyn nokdaýnǵa túsirip, jekpe-jektegi basymdyqty qolǵa aldy.
On raýnd qorytyndysy boıynsha tóreshiler jeńisti qazaqstandyq boksshyǵa berdi. Bul Ivan Dychkonyń kásipqoı rıngtegi 16-jeńisi boldy. Qazirgi tańda qazaq boksshysynyń enshisinde 16 jeńis bar. Onyń 14-i nokaýtpen aıaqtalǵan. Sondaı-aq bir jeńilisi tirkelgen.
Al Harvı Daıks kásipqoı mansabynda alǵash ret jeńilis taýyp otyr. Buǵan deıin brıtandyqtyń kórsetkishi jeti jeńis jáne bir teń nátıje bolǵan.
Áýesqoı boksta Ivan Dychko eki márte Olımpıada oıyndarynyń qola júldegeri atanǵan. Sonymen qatar Azııa oıyndary men Azııa chempıonatynda da top jarǵan.
