Balqash, Prıozersk qalalarynyń, Saıaq kentiniń, sondaı-aq Shet jáne Aqtoǵaı aýdandarynyń turǵyndary jańartylǵan korpýstarda dıagnostıka men em alýdyń jańa múmkindikterine qol jetkizdi.
Aýrýhana 340 tósekke arnalǵan jáne barlyq derlik beıindi bólimshelerdi qamtıdy. Aýyldyq densaýlyq saqtaýdy jańǵyrtý jónindegi ulttyq joba sheńberinde negizgi ǵımaratqa aýdany shamamen 1,4 myń sharshy metr bolatyn jańa qosymsha korpýs salyndy.
SQO-daǵy aýylǵa qaıtarylǵan qarjy esebinen aýyz sý qubyry tartyldy
Munda qoldanystaǵy barlyq standarttarǵa sáıkes keletin zamanaýı qabyldaý bólimi ornalastyryldy. Pasıentterdiń yńǵaılylyǵy úshin josparly jáne shuǵyl emdeýge jatqyzýǵa arnalǵan bólek kireberister qarastyrylǵan. Birinshi qabatta eki operasııalyq bólme – shuǵyl operasııalarǵa jáne joǵary tehnologııalyq teri arqyly jasalatyn aralasýlarǵa arnalǵan operasııalyq bólmeler ashyldy. Onda jedel júrek-qan tamyrlary aýrýlary kezinde koronarografııa men stentteý júrgiziledi.
«Pasıentterdi dıagnostıkalaý jáne emdeý úshin qosymsha jabdyqtarmen jaraqtalǵan zamanaýı monoplandyq angıograf, magnıttik-rezonanstyq jáne kompıýterlik tomograftar, MEDRAD Mark 7 Arterion ıneksııalyq júıesi, neırohırýrgııalyq mıkroskop jáne barlyq qajetti medısınalyq buıymdar satyp alyndy», dedi aýrýhana dırektory Serikbol Túsúpbekov.
Kadrlyq qamtamasyz etý turǵysynan búginde munda shamamen 900 qyzmetker, onyń ishinde 150-ge jýyq dáriger jumys isteıdi.
Bıyl ujymǵa travmatolog, eki sáýlelik dıagnostıka mamany jáne eki ıntervensııalyq kardıolog qosyldy. Rezıdentýrany aıaqtaǵannan keıin ýrolog, hırýrg jáne terapevtterdi qosa alǵanda, taǵy birneshe mamannyń kelýi kútilýde.
Qaıtarylǵan qarjy aýrýhana qurylysyna jumsaldy
Torańǵalyq jáne Shubartúbek kýrorttyq kentterinde medısınalyq pýnktter jumys isteıdi. Olarǵa jergilikti turǵyndarmen qatar týrıster de júgine alady. Medısınalyq pýnktter qajetti mamandarmen jáne medısınalyq kómek kórsetýge arnalǵan barlyq qajetti quraldarmen qamtamasyz etilgen.
