Aımaqtar • 26 Aqpan, 2019

Mańǵystaýda 5000-ǵa jýyq kásipker saýalnamaǵa qatysty

287 ret kórsetildi

Saýalnamany júrgizýdiń maqsaty - óńirdegi árbir kásipkermen jeke sóılesip, pikirin bilý, tyǵyz baılanys ornatý, is júrgizýde týyndaǵan túıitkildi máselelerimen jete tanysý, jańadan qosylǵan onlaın-qyzmet túrine tirkeý. 

Mańǵystaý oblysynda kásipkerler arasynda saýalnama júrgizý osy jyldyń 17 qańtarynda bastalǵan bolatyn. Qalalar men aýdandar, aýyldarda búginge deıin 4700-deı kásipker saýalnamaǵa qatysyp, oı-pikirin bildirdi. Qazir Mańǵystaýda 67 142 kásipkerlik sýbektisi jumys istep tur. Sonyń 49 989-y call-centre arqyly, al 18 153-i О́KP qyzmetkerlerdiń ózderi nysandy aralap toltyrýymen júzege asady.

Kásipkerlerdiń tynys-tirshiligimen tanysý úshin «Atameken» UKP 300 qyzmetkeri, al óńirlik palatanyń 20 shaqty mamany tańnan keshke deıin suraqtarǵa jaýap alyp, saýalnama jumystaryn júrgizip otyr.

Saýalnama toltyrý aldymen Túpqaraǵan aýdanynyń Fort-Shevchenko qalasy, Baýtın men Atash kentterinen bastaldy. Sonan soń jumys toby Munaıly aýdanyna bardy. Aqtaý, Jańaózen qalalary men Qaraqııa, Beıneý, Mańǵystaý aýdandarynda da jumys qarqyndy júrip jatyr.

 Saýalnama aıasynda «Atameken services» portalynyń qyzmeti de túsindirilip jatyr. Mańǵystaýlyq 534 bıznes-sýbektisi osy portaldyń qyzmetine júginip úlgerdi. Onlaın qyzmet túri arqyly kásipker 60-tan astam tegin servıstik qyzmet alady. Tórt negizgi baǵyt boıynsha kórsetiletin kómektiń alǵashqysy - «Nesıe agregatory». Ony qoldanǵan kásipkerler úıden shyqpaı-aq barlyq bankter men qarjylyq uıymdarǵa nesıe alýǵa ótinim bere alady. Ekinshi, bıznes bilimdi keńeıtý jáne qyzmetkerlerdi qaıta oqytý úshin «Atameken.Academy» servısi kómekshi qural bolady. Úshinshi, kásibı zańgerlik kómek «Quqyqtyq qorǵaý» bóliminde qoljetimdi. Tórtinshi, ótinim berýshilerge bıznes-joba, salyqty eseptilik, naryqqa marketıngtik zertteý júrgizý tegin kórsetiledi.

Budan bólek, kásipkerler palatasynyń kásipkerlerge qyzmet kórsetý ortalyǵy arqyly da «Atameken Services» qyzmetine júginýge bolady. Munda iskerler býhgalterlik jáne salyqtyq esep, statıstıkalyq esepti qurý, marketıngtik suraqtar, memlekettik satyp alý máseleleri boıynsha onlaın-portalǵa ótinim jiberýine tolyqtaı múmkindigi bar. Osylaısha kásipker ýaqytyn únemdep, kezekte turyp, qaǵazbastylyqqa urynyp sabylmaı asa tıimdi qyzmetterdi qalaǵan jerinde otyryp alýyna bolady.

«Atameken» Ulttyq kásipkerler palatasy onlaın-saýalnamany da iske qosty.

Gúlaıym ShYNTEMIRQYZY,

«Egemen Qazagstan»

Mańǵystaý oblysy

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Uqsas jańalyqtar