Ekonomıka • 27 Aqpan, 2019

42 tonna sıyr eti eksporttalady

1370 ret
kórsetildi
1 mın
oqý úshin

Elimiz Iranǵa 42 tonna sıyr etin eksporttaıdy. О́nimniń alǵashqy partııasyn jetkizý úshin qos el kelisimshartqa qol qoıdy. Ýaǵda­­lastyqqa sáıkes Iranǵa barlyǵy 500 tonna sıyr eti jóneltiledi. 

42 tonna sıyr eti eksporttalady

Eki eldiń veterınarlyq qyzmetteri 2018 jyly vakýýmdyq pakette muzdatylǵan jáne salqyndatylǵan sıyr etiniń ve­terınarlyq sertıfıkatyn bekitti. Byl­tyrdan bastap elimizde etti mal sha­rýashylyǵyn  damytý baǵdarlamasy aýqymdy júzege asa bastady. Onyń negi­zin shaǵyn jáne orta kásiporyndar quraıdy.  Sondaı-aq arnaıy jeńildikpen nesıe beretin «Sybaǵa» baǵdarlamasy iske qosyldy. Jalpy, 2018 jyly 20 myń tonnaǵa jýyq et eksporttalǵan. Kórsetkish 2017 jylmen salystyrǵanda 3,6 paıyzǵa artyq. Al bıyl kemi 30 myń tonna etti shetelge jóneltý josparlanyp otyr. Otandyq kásiporyndar úshin et eksporty óte tıimdi. Sıyr etin eksporttaý esebinen tek taýar óndirýshilerge ortasha eseppen 27 mıllıard teńge berildi.

Búginde elimizdiń mal men et ónim­derine shet memleketterden suranys artqan. Onyń qatarynda Ázerbaıjan, Ar­menııa, Bahreın, Vetnam, Germanııa, Kýveıt, Qyrǵyzstan, Túrkııa, BAÁ sııaqty kóptegen memleket bar. Al Qytaımen balyq jáne et ónimderiniń eksportyn 20-30 paıyzǵa deıin arttyrý maqsatynda kelisim jasaldy. 

Mádına JÁLEL,

«Egemen Qazaqstan»