«Mysaly, meıirbıkeniń ortasha jalaqysy 76 myńnan 100 myńǵa deıin kóteriledi. Al kishi medısınalyq personaldyń aılyǵy 48 myńnan 64 myńǵa artady. Oǵan qosa, joǵary suranysqa ıe mamandyqtar boıynsha dárigerlerdiń jalaqysy da ulǵaıatyn bolady. Jalpy, 225 myńnan astam medısına qyzmetkerleriniń jalaqysy ósedi. Osyǵan oraı, 2019 jyly respýblıkalyq bıýdjetten 37,6 mıllıard teńge, al 2020 jyldan bastap 78,7 mıllıard teńge bólinedi», - dedi mınıstr Úkimet otyrysynda. Eserińizge sala keteıik, keshe «Nur Otan» partııasynyń XVIII sezinde QR Prezıdenti Nursultan Nazarbaev tómen jalaqy alatyn bıýdjettik sala qyzmetkerleriniń aılyǵyn 30 paıyzǵa kóterýdi tapsyrǵan bolatyn. Budan bólek, ákimdik qyzmetkerleriniń jalaqysy 25 paıyzǵa kóteriledi. Osy maqsatta 1 trıllıonǵa jýyq qarjy bólinbek.
