«1 shildege deıin eń tómengi kúnkóris deńgeıi 14 849 teńge bolady. Al 1 shildeden bastap ol 20 789 teńgege kóteriledi. Iаǵnı, eger atalǵan kómekti osy ýaqytqa deıin 571 myń adam alyp kelse, endi ol 260 myńǵa kóbeıip, 830 myń qazaqstandyqtyń ataýly áleýmettik kómek alýǵa múmkindigi bolady. «Eger 4 balaly jalǵyz basty otbasy 1 shildege deıin tabysy joq bolǵannan soń 63 myń teńge ataýly áleýmettik kómek alatyn bolsa, endi 1 shildeden bastap ol 40 myń teńgege kóbeıedi. Iаǵnı 103 945 teńgege jetedi. Al qosymsha tólemderdi eseptegende ol januıanyń jalpy tabysy aıyna 114 448 teńge bolady», dedi ol.
Mınıstr ataýly áleýmettik kómekti daıyndaý úshin otbasylardyń jıyntyq tabysynda da ózgeris bolatynyn aıtty. «Birinshi shildeden bastap burynǵy eseptelinip kelgen kópbalaly otbasylarǵa, altyn alqa, kúmis alqa ıegerleri analarǵa, múgedek balalar bar otbasylarǵa beriletin járdemaqylar jáne stıpendııalar 1 shildeden eseptelinbeıdi», dedi B.Saparbaev.
