- Qazaq halqy baýyrmal, aq darıǵa keń kóńil halyq, - dedi Abaıdyń memlekettik qoryq-mýzeıiniń aǵa ǵylymı qyzmetkeri Nurjan Boranbaev, - eske salsaq, 2016 jylǵy 14 qantarda Prezıdent Nursultan Nazarbaev Qazaqstan halqy Assambleıasynyń qurylǵan kúni - 1 naýryzdy elimizde Alǵys aıtý kúni dep jarııalaǵan bolatyn. Sharamyzǵa qatysýshy tatar balalary shyǵarmashylyǵyn damyta túspek. Olardy osyndaı jıyndar tanymdyq qabiletteri men qyzyǵýshylyǵyn arttyrǵymyz keledi. Mýzeı men mektep arasyndaǵy baılanysty damytý da bizdiń basty maqsatymyz.
Mýzeıge qarasty «Abaı» óner mektebiniń qolóner úıirmesi óner men bilim berý isin bir-birimen ushtastyryp keledi. Mýzeı dırektorynyń ǵylymı jumystar jónindegi orynbasary Meıramgúl Qaırambaeva is-sharaǵa qatysýshy Semeı qalasyndaǵy №8 mektep-kesheni men tatar óner mektebiniń oqýshylaryna alǵys bildirip, jetekshileri Ǵabdýlhaq Ahýnjanovqa marapat qaǵazyn tabys etti. Ǵabdýlhaq Ahýnjanov ta óz tarapynan qazaq halqyna alǵysyn bildirdi. Abaıdyń «Jıdebaı-Bórili» memlekettik qoryq-mýzeıinde, sondaı-aq, 1 naýryz – Alǵys aıtý kúnine arnalǵan kitap kórmesi de ashyldy.
Is-sharada tatar óner mektebiniń oqýshylary qazaq, orys jáne tatar tilderinde ánder oryndady. Tatar óner mektebiniń oqýshylary Abaıdyń bala kezi týraly Evgenıı Tıtaevtyń sózine jazylǵan Gabdýlhaq Ahýnjanovtyń «Mamıny pesnı, babýshkıny skazkı» ánin oryndap, tatar bıin bıledi. Jıynǵa qaladaǵy kolledj stýdentteri, ustazdar men oqýshylar qatysty.
Raýshan NUǴMANBEKOVA
«Egemen QAZAQSTAN»
Sýret avtordyki.
SEMEI
