Foto: primeminister.kz
«Elbasy kez kelgen ekonomıkalyq jetistikter árbir adamnyń ál-aýqatynyń ósýine jol ashýy kerek ekenin aıtyp ótti. Osyǵan oraı, Elbasynyń "Áleýmettik qamqorlyq" jańa áleýmettik bastamalary elimizdi áleýmettik damýdyń jańa deńgeıine shyǵarýy tıis», — dedi A. Mamın.
Halyqtyń turmys sapasyn arttyrý jáne Qazaqstandy áleýmettik baǵdarlanǵan memleket retinde damytý — árbir Úkimet múshesi úshin negizgi basymdyq bolýy tıis.
Premer-Mınıstr kelesi baǵyttar boıynsha Memleket basshysynyń Jańa áleýmettik saıasatyn iske asyrýǵa dereý kirisýdi tapsyrdy:
- halyqtyń tabysyn arttyrý jáne turmysy tómen adamdardy qoldaý;
- kópbalaly jáne az qamtylǵan otbasylardy turǵyn úımen qamtamasyz etý;
- bilim berý jáne densaýlyq saqtaý salalaryn, áleýmettik ınfraqurylymdy jańǵyrtý;
- óńirlerdi keshendi túrde damytý.
Máseleni qaraý barysynda Memleket basshysynyń alǵa qoıǵan tapsyrmalaryn oryndaý sharalary týraly Premer-Mınıstrdiń Birinshi Orynbasary – qarjy mınıstri Á. Smaıylov, Premer-Mınıstrdiń Orynbasary G. Ábdiqalyqova, eńbek jáne halyqty áleýmettik qorǵaý mınıstri B. Saparbaev, bilim jáne ǵylym mınıstri K. Shámshıdınova, densaýlyq saqtaý mınıstri E. Birtanov, ulttyq ekonomıka mınıstri R. Dálenov, ındýstrııa jáne ınfraqurylymdyq damý mınıstri R. Sklıar, energetıka mınıstri Q. Bozymbaev, sondaı-aq Almaty oblysynyń ákimi A. Batalov, Qaraǵandy oblysynyń ákimi E. Qoshanov, Astana qalasynyń ákimi B. Sultanov baıandady.
Sonymen qatar, otyrysta «Nur Otan» partııasynyń hatshysy F. Qýanǵanov sóz sóıledi.
Premer-Mınıstr Asqar Mamın máseleni qaraý qorytyndysy boıynsha ortalyq jáne jergilikti memlekettik organdarǵa birqatar naqty tapsyrmalar berdi.
«Memleket basshysy Úkimet pen ákimderdiń aldyna halyqtyń turmys sapasyn jaqsartýǵa qatysty mańyzdy mindetter qoıdy. Olardyń sheshimin tabý Úkimet pen ákimderdiń úılesken birlesken jumysyn talap etedi. Elbasynyń partııa sezinde alǵan qoǵaın barlyq tapsyrmalary sapaly ári ýaqytyly oryndalýy tıis. Úkimet muqtaj azamattardy áleýmettik qoldaý boıynsha tıimdi jumys júrgizýi kerek. Bıýrokratııa men formalızmge jol berilmesin», — dedi A. Mamın.
Qarapaıym adamdardyń máselelerin sheshý qajettigi atalyp ótti. Barlyq memlekettik organdar, ásirese jergilikti jerlerde, osy baǵytta qarqyndy jumys atqarýy kerek. A. Mamın iri qalalardyń qala mańy aýmaǵynda, shaǵyn jáne mono qalalarda turǵyndardyń qolaıly ómir súrýine jaǵdaı jasaýdy, ásirese aýylda jańa turaqty jumys oryndarynyń ashylýyn qamtamasyz etýdi tapsyrdy.
Áleýmettik ınfraqurylymdy damytý turǵysynan bilim berý, densaýlyq saqtaý, mádenıet jáne sport obektilerin salý, olardyń qoljetimdiligi men qyzmet kórsetý sapasyn qamtamasyz etý tapsyryldy.
Injenerlik-kommýnaldyq ınfraqurylymdy, onyń ishinde jergilikti jol jelilerin, elektr energetıkasy men gazben jabdyqtaýdy jańǵyrtý máselelerine erekshe kóńil bólý tapsyryldy.
«Elbasynyń áleýmettik bastamalarynyń árbir baǵyty boıynsha oryndaý merzimi men jaýapty memlekettik organdardy naqty kórsetip, Jol kartalary ázirlensin. Baǵyttardyń árqaısysyn damytý elimizdiń áleýmettik-ekonomıkalyq damýyna, halyqtyń turmys sapasynyń jáne az qamtylǵan jáne kómekke asa muqtaj azamattardyń tabysynyń artýyna úlken serpin beredi», — dep Premer-Mınıstr A. Mamın, barlyq is-sharalardy júzege asyrýǵa dereý kirisýdi tapsyrdy.
