Qaza tapqandar sany 100-den asty

Sársenbi, 21 qarasha 2012 7:10

Izraıl men Palestına arasyndaǵy ahýal áli de ýshyǵyp tur. Dúısenbi palestınalyqtar úshin asa qaraly kún boldy. Sol bir kúnniń ishinde 30-dan astam jergilikti turǵyn kóz jum­dy. Qaza tapqan palestına­­­­lyq­tardyń jalpy sany, sońǵy málimet boıynsha, 109 adam delinip otyr.

Osy aralyqta Izraıl polıseıleri Tel-Avıvtegi AQSh elshiliginiń kúzetshisine shabýyl jasaǵan er adamdy tutqyndady. Jergilikti quqyq qorǵaý organdarynyń málimetinshe, aty-jóni belgisiz adam kúzetshini óltirýge áreket jasaǵan. Tergeýshiler onyń kúzetshige ne sebepti shabýyl jasaǵanyn tekserý ústinde.

Sársenbi, 21 qarasha 2012 7:10

Izraıl men Palestına arasyndaǵy ahýal áli de ýshyǵyp tur. Dúısenbi palestınalyqtar úshin asa qaraly kún boldy. Sol bir kúnniń ishinde 30-dan astam jergilikti turǵyn kóz jum­dy. Qaza tapqan palestına­­­­lyq­tardyń jalpy sany, sońǵy málimet boıynsha, 109 adam delinip otyr.

Osy aralyqta Izraıl polıseıleri Tel-Avıvtegi AQSh elshiliginiń kúzetshisine shabýyl jasaǵan er adamdy tutqyndady. Jergilikti quqyq qorǵaý organdarynyń málimetinshe, aty-jóni belgisiz adam kúzetshini óltirýge áreket jasaǵan. Tergeýshiler onyń kúzetshige ne sebepti shabýyl jasaǵanyn tekserý ústinde.

Aýǵanstandaǵy mıssııasyn aıaqtady

Fransııa Aýǵanstandaǵy óziniń sońǵy áskerı mıssııasyn aıaqtady. Keshe fransýz áskerıleri Kapıs pro­vın­sııa­syn­daǵy Nıdjrab bazasynan shyǵaryldy. Bul fransýz­dar­dyń Kabýldan tysqary jerdegi soń­ǵy forposty bolyp tabylady. Fransııanyń áskerı bólimderi Aýǵanstandy jeltoqsan aıynda tolyq tas­tap shyǵady.

Fransııa aýǵan naýqanyna 2001 jyldyń aıaǵynda qosylǵan bolatyn. Fransýz kontıngenti aýqymy jóninen AQSh-tan, Brıtanııadan, Germanııadan jáne Italııadan keıingi besinshi orynda edi. 11 jyl ishinde fransýzdar 88 áskerı qyzmetkerinen ólideı aıyryldy. Qazirgi kezde Aýǵanstanda shamamen 2,2 myń fransýz áskerıi bar.

Aıyp kólemi – 200 myń rýbl

«Birtutas Reseı» depýtattary zańsyz mıgranttarǵa birneshe márte baspana usynǵandar úshin 200 myń rýbl kó­le­minde aıyppul salý týraly usynys jasady. Qujatqa sáıkes, atalǵan zań buzý­shylyq úshin qylmystyq jaýapker­shilik engiziletin bolady.

200 myń rýblge balama jaza retinde 360 saǵatqa deıin mindetti jumys qarastyrylǵan. 1 jylǵa deıingi merzimge túzeý jumystary nemese 2 jylǵa deıin májbúrlep jumys istetý de kózdeledi. Eger mıgranttardy bir top adam aldyn ala kelisim boıynsha qonystandyratyn bolsa, onda tártip buzýshylar úsh jylǵa deıin bas bostandyqtarynan aıyrylýy múmkin. Árıne, munyń bári zań kúshine engen jaǵdaıda ǵana júzege aspaq.

3 mıllıard dollarynan aıyryldy

Qytaıdaǵy asa baı áıel Ý Iаchjýn óziniń jubaıy Kaı Kıýımen ajyrasýy saldarynan 3 mıllıard dollardan astam qarajatyn joǵaltty. Sóı­tip,Longfor kompanııasy basshy­­­synyń baılyǵy 72-den 43 paıyzǵa deıin azaıyp ketse, esesine onyń burynǵy jubaıynyń úlesi 29 paıyzǵa kóterilgen.

Osylaısha Ý Iаchjýnniń qarjysy buǵan deıingi 7,3 mıllıard­tyń ornyna 4,2 mıllıard dollarǵa deıin azaıǵan. Sóıtip, eń baı qytaılyq áıel mártebesi Country Garden Holding kompanııasynyń ıesi Iаn Hýıýanǵa aýysyp otyr. Onyń baılyǵy 5 mıllıard dollar dep esepteledi. Al eń baı qytaılyq alkogolsiz Wahaha ishimdigin óndirýshi Szýn Sınhoý bolyp qalýda. Onyń baılyǵy 19 mıllıard dollarǵa teń kórinedi.

О́zderin ózderi órtemek boldy

Qyrǵyzstan astanasynda kommersııalyq qurylym­darǵa qaryzdary saldarynan múlikterinen aıyryl­ǵan adam­dar­dyń jappaı ózderin ózderi órteýge ja­saǵan áreket­teriniń aldy alyndy. Keshe áreket ıeleri Bishkektegi Gorkıı atyndaǵy saıabaqqa jınalyp, osyndaı qadamdarǵa barmaq bolǵan.

Olardyń keıbiri úkimetke qarsy sıpattaǵy urandar aıtyp, el prezıdenti Almazbek Atambaevty qosa alǵanda, barlyq respýblıka basshylyǵynyń otstavkaǵa ketýlerin talap etken. 40 adam ózderin órtep jibermekshi bolǵan. Olardyń basym kópshiligi áıel­der men egde tartqan adamdar eken. Ereýilshilerdiń pikir­lerinshe, bári ar-uıattan bezgen qarjy uıymdarynyń is-áreketterinen zardap shekken.

Saqaldyń uzyndyǵy shekteýli

Tájikstandaǵy úlemder keńesi (ıslamdy jetik biletin bedeldiler) er­ler­diń saqal qoıý men áıelderdiń kıim kııý normalaryn belgiledi. Bul erejeniń súnnıtterdiń hanafı mazhabyn ustanatyndarǵa qatysy bar kó­rinedi. О́ıtkeni, Tájikstanda ıs­­­lam­­­­nyń osy baǵyty resmı bolyp tabylady jáne res­pýb­lıka musylmandarynyń kópshiligi ustanady.

Erejege sáıkes, er adam saqalynyń kólemi óziniń judy­ry­ǵynan aspaýy tıis. Áıelder úshin kıim onyń beti, qoly jáne tabanynan basqa jeriniń bárin tolyq jaýyp turýy shart. Tájik­stan­nyń ıslam ortalyǵynda úlemder keńesi jumys istese, olar bul normany din isteri jónindegi komıtettiń ótinishi boıynsha belgi­lepti. Elde shamamen 3 myńdaı meshit pen 20 shaqty dinı bilim berý mekemeleri jumys isteıdi.

Qysqa qaıyryp aıtqanda:

— Fransýz oppozısııasy óz serkesin saılady. «Halyqtyq qozǵalys úshin odaǵy»oppozısııalyq partııasynyń basyna Jan-Fransýa Kope keldi. Ol qarsylasy,burynǵy premer-mınıstr Fransýa Fııonnan 98 daýys artyq alǵan.

— Grýzııa parlamentiniń adam quqyǵyn qorǵaý komıteti burnaǵy kúni eldetúrli baptar boıynsha 180 adam saıası tutqyn dep jarııalanǵanynhabarlady. Taǵy 22 adam saıası qýǵyn-súrginde júrgen kórinedi.

— Tergeýshilerdiń derekterinshe, Polshada ishki qaýipsizdik agent­tiginińqyzmetkerleri bılik organdarynyń ókilderine qarsy lańkes­­tikuıymdastyrmaq bolǵan er adamdy tutqyn­daǵan. Kúdikti Krakovta qamaýǵa túsken.

Internet materıaldary negizinde ázirlendi.