Onda Memleket basshysy Nursultan Ábishuly Nazarbaevtyń «Nur Otan» partııasynyń XVIII sezinde jarııalaǵan mańyzdy bastamalaryna aıryqsha nazar aýdaryldy. Elbasynyń az qamtylǵan turǵyndardy áleýmettik qoldaý, baspana máselesin sheshý, bilim jáne densaýlyq salalaryn jaqsartý, óńirlerdi keshendi damytýǵa baǵyttalǵan aýqymdy bastamalaryna toqtalǵan Májilis tóraǵasy olardyń barlyǵy qarjylyq turǵydan da qoldaý tabatynyn aıtyp, elimizde áleýmettik jańǵyrtýdyń jańa kezeńi bastalǵanyn atap ótti.
Osy oraıda Palata spıkeri depýtattyq korpýstyń róli zor ekenin alǵa tarta kelip:
- Eń aldymen Prezıdentimizdiń «Nur Otan» partııasynyń sezinde bergen barlyq tapsyrmalaryn jedel ári sapaly zańnamalyq qamtamasyz etýimiz qajet. Elbasy Májilis depýtattary, ásirese, memlekettik jáne salalyq baǵdarlamalardy iske asyrýǵa monıtorıng jasaý jumystaryna belsene qatysýǵa tıis ekendigin atap ótti. Biz osy tapsyrmalardy atalǵan baǵdarlamalardy oryndaýǵa jaýapty quzyrly organ ókilderin «Úkimet saǵatynda», sondaı-aq, Májiliske kirgen saıası partııalar fraksııalarynyń otyrystarynda tyńdaý arqyly júzege asyrýdy josparlap otyrmyz, - dedi.
Májilis tóraǵasy ol otyrystar úkimettik emes uıym músheleriniń, sarapshylardyń, BAQ ókilderiniń qatysýymen ashyq júrgiziletinin aıtty.
Sonymen qatar, Bıýro otyrysynda Palatanyń aldaǵy jalpy otyrysynyń kún tártibine engiziletin máseleler qatary talqylandy. Kún tártibiniń jobasyna birqatar ratıfıkasııalanatyn qujat jobalary usynyldy. Olar Qazaqstan Reseı Federasııasy arasyndaǵy Baıqońyr qalasynyń mártebesi týraly kelisim men Qazaqstan men Qytaı Úkimetteri arasyndaǵy Qytaı Halyq Respýblıkasynyń jeńildikti kredıt berýi týraly kelisimi. Budan basqa, Májilis Qazaqstan Respýblıkasynyń Úkimeti men Tájikstan Respýblıkasynyń Úkimeti arasyndaǵy О́teýsiz áskerı-tehnıkalyq kómek kórsetý týraly kelisimdi ratıfıkasııalaý týraly» zań jobasyn jumysqa alatyn bolady.
