Sharaına
Seısenbi, 10 shilde 2012 7:25
Zardap shekkender sany – 24 myń
Krasnodar ólkesiniń Qyrym aýdanyndaǵy sý tasqyny saldarynan 24 myń adam zardap shekken. Tabıǵat apatynan kóz jumǵandar sany, IIM-niń sońǵy málimetteri boıynsha, 171 adamdy qurap otyr. Opat bolǵan adamdardyń otbasyna federaldyq bıýdjetten 1 mln. rýbl, óńir bıýdjetinen taǵy 1 mln. rýbl tólenbekshi.
Seısenbi, 10 shilde 2012 7:25
Zardap shekkender sany – 24 myń
Krasnodar ólkesiniń Qyrym aýdanyndaǵy sý tasqyny saldarynan 24 myń adam zardap shekken. Tabıǵat apatynan kóz jumǵandar sany, IIM-niń sońǵy málimetteri boıynsha, 171 adamdy qurap otyr. Opat bolǵan adamdardyń otbasyna federaldyq bıýdjetten 1 mln. rýbl, óńir bıýdjetinen taǵy 1 mln. rýbl tólenbekshi.
Krasnodar ólkesindegi sý tasqynyna shelektep jaýǵan nóser jańbyr sebep bolǵan edi. Reseı prezıdenti Vladımır Pýtın aptanyń sońyna deıin Kýbandaǵy gıdrotehnıkalyq qurylystar jumysyna saraptama júrgizip, ózine usynýdy talap etti. Jalpy, úlken shyǵynǵa ákelgen apatqa gıdrotehnıkalyq qurylǵylardaǵy kinárattar sebep bolǵan sekildi.
Asad AQSh-ty kináli sanaıdy
Sırııa prezıdenti Bashar Asad AQSh-ty lańkesterge kómek kórsetýde jáne eldegi jaǵdaıdy turaqsyzdandyrýda dep aıyptady. Asadtyń sózine qaraǵanda, AQSh Sırııadaǵy janjaldarǵa dem berýshi bolyp tabylady. Sondyqtan beıbit turǵyndardyń ólimine de jaýap berýi tıis.
Sırııa prezıdenti sondaı-aq Ankara onyń qarsylastaryna kontrabandalyq oı-pıǵyldaryn júzege asyrý úshin logıstıkalyq qoldaý kórsetip otyr dep Túrkııany da aıyptaǵan pikir bildirdi. Sonymen bir mezgilde, Asad eger qandaı da bir el Sırııadaǵy problemalardy sheshýge kómekteskisi kelgen jaǵdaıda, tipti ol AQSh bolsa da, esik ashyq ekenin málimdedi.
Bir táýlikte 30 adam opat boldy
Aýǵanstanda 8 shilde kúni bombalardyń jarylýy men sodyrlardyń shabýylynan tutastaı alǵanda 30 adam opat bolǵan. Olardyń 7-eýi NATO-nyń áskerı qyzmetshileri bolsa, 16-sy beıbit turǵyndar, sondaı-aq aralarynda 5 jergilikti polısııa qyzmetkeri men NATO-nyń 2 azamattyq qyzmetkeri bar.
Naqtyraq aıtqanda, 6 amerıkalyq áskerı qoldan jasalǵan mına jarylysynan kóz jumǵan. Odan buryn týra osyndaı jaǵdaıda taǵy bir koalısııalyq kúshterdiń áskerı qyzmetkeri opat bolǵan edi. Al beıbit turǵyndar Kandagar provınsııasynda jasalǵan 3 jarylystyń saldarynan qaza tapqan. Jyl basynan beri Aýǵanstanda NATO-nyń kem degende 234 áskerı qyzmetshisi opat bolypty.
Alǵashqy prezıdent otanyna oraldy
Ázerbaıjannyń alǵashqy prezıdenti Aıaz Mýtalıbov 7 shilde kúni keshkisin 20 jyldyq úzilisten keıin otanyna oraldy. Ol osynsha jyl Reseıde turyp kelgen edi. Eldiń alǵashqy basshysynyń oralýy parlamenttiń tıisti zań qabyldaýyna oraı múmkin boldy.
Ázerbaıjan parlamenti «Burynǵy prezıdent pen onyń otbasy múshelerin qamtamasyz etý týraly» zań qabyldaǵan edi. Sóıtip, eks-prezıdent qylmystyq jaýaptylyqtan bosatylǵan-tyn. Buǵan qosa, Mýtalıbov aı saıyn is basyndaǵy prezıdent jalaqysynyń 50 paıyzy kóleminde zeınetaqy alyp turatyn bolady. Burynǵy prezıdent qaıtys bolǵan jaǵdaıda onyń zeınetaqysy zaıybyna kóshedi.
Ystyqtan 74 amerıkalyq kóz jumdy
Eki apta ishinde AQSh-ta aptap ystyqtan kem degende 74 adam qaıtys bolǵan. Ásirese, AQSh-tyń Orta Batysy men Shyǵysy kóp zardap shekken. Birqatar shtattarda aýanyń temperatýrasy osy mezgildegiden aıtarlyqtaı joǵary kórinedi.
Máselen, Chıkagoda 6 shilde kúni aýanyń temperatýrasy 38 gradýs ystyq deńgeıinde bolǵan. Sent-Lýıste (Mıssýrı shtaty) 10 kún boıy osyndaı jáne odan joǵary temperatýra ustalyp turǵan. Al Kolýmbııa okrýginde 38 gradýstyq ystyq 8 shildege deıin jalǵasqan. Solt-Leık-Sıtıde 11 shilde kúni aýanyń temperatýrasy shamamen 40 gradýsqa deıin kóteriledi dep kútilýde.
Qysqa qaıyryp aıtqanda:
l Qurama Shtattar Aýǵanstanǵa 2017 jylǵa deıin qarjylaı kómekkórsetý nıetinde. Bul týraly AQSh-tyń memlekettik hatshysyHılları Klınton Tokıoda ashylǵan Aýǵanstan jónindegi halyqaralyqkonferensııada jarııa etti.
l Meksıkalyq áskerıler AQSh-pen shekarada esirtki ótkizý úshinpaıdalanylyp kelgen tonnel tapqan. Onyń uzyndyǵy 230 metrbolsa, 20 metr tereńdikte qazylǵan eken. Bılik basyndaǵylardyńmálimetinshe, 1990 jyldan beri osyndaı 150-den astam tonneldertabylypty.
l 7 shilde kúni Ýkraınanyń Chernıgov oblysynda reseılik 43 adam mingenavtobýs apatqa ushyrap, 14 adam qaza tapqan bolatyn. Jolqozǵalysy qaýipsizdigi erejeleri buzylǵan degen bap boıynshaqylmystyq is qozǵalyp, júrgizýshi qamaýǵa alyndy.
l Ústimizdegi jyly Soltústik Koreıanyń ekonomıkasy 0,8 paıyzǵa ósken. Osyndaı ósý kórinisi 2010 jyly da baıqalǵan bolatyn. Sol jylǵy ósim 0,5 paıyzdy quraǵan edi. Osylaısha Soltústik Koreıa ekonomıkasy sońǵy alty jylda ekinshi márte ósip otyr. Soǵan qaramastan, KHDR álemdegi eń kedeı elderdiń biri bolyp qalýda.
Internet materıaldary negizinde ázirlendi.
