Shyntýaıtynda, partııa sezi azamattardy áleýmettik qoldaýdyń sońǵy ýaqytta aýqymy jaǵynan teńdessiz baǵdarlamasyn týdyrǵan qýatty tuǵyrnamasy bola bildi.
Búgingi tańda Qazaqstan bıýdjetiniń 45 paıyzy áleýmettik salaǵa bólinetinine qaramastan, elimizde bul salada memlekettiń rólin odan ári kúsheıte túsken naqty suranystar qalyptasty. Bul, ásirese, kóp balaly otbasylardy qorǵaýda naqty kórinis taýyp otyr.
Sonymen qatar memleket bilim berý men densaýlyq saqtaý salalaryna qosymsha qarjy qarastyryp otyr. Bul óz kezeginde Qazaqstandaǵy adamı kapıtaldyń sapaly ósýin qamtamasyz etip, bilim deńgeıi men ómir súrý uzaqtyǵynyń artýyna yqpal etýi tıis. Budan buryn Úkimettegi áleýmettik sala basshylyǵy, vıse-mınıstr, Bilim jáne ǵylym mınıstrligi men Eńbek jáne halyqty áleýmettik qorǵaý mınıstrligi basshylary tolyǵymen qaıta taǵaıyndaldy. Atalmysh kadrlyq ózgerister eski qatelikterge urynbaı, serpindi jumystardy jańa paraqtan bastaýǵa múmkindik beredi.
О́z sózinde Memleket basshysy áleýmettik salaǵa bólingen memlekettik qarjylyq qoldaýdyń artýy masyldyq nıetti týǵyzbaýy tıis, kerisinshe áleýmettik saıasat meılinshe teńgerimdi bolýy kerek dedi. Budan Prezıdent usynǵan bastamalar saıasılanbaǵanyn ári tereń oılastyrylǵanyn túsinýge bolady. Osylaısha, kezekti sezd saılaýaldy qadam emes, elimizdiń keshendi damýynyń uzaqmerzimdi nátıjesine qol jetkizýge baǵyttalǵan shynaıy áleýmettik saıasat ekeni sózsiz.
Tutastaı alǵanda, memleket basshysy «Nur Otan» partııasynyń HVIII sezinde sóılegen sózinde jańa Úkimettiń aldaǵy jumystarynyń basty maqsat-mindetterin aıqyndap berdi. Buǵan deıin Prezıdent Joldaýynda kórinis tapqan áleýmettik bastamalar men «Nur Otan» sezinde qabyldanǵan jańa mindetter Qazaqstan damýynyń aldaǵy 5 jyldaǵy basym baǵyttary bolary kúmánsiz.
Erjan Saltybaev,
Álemdik ekonomıka jáne saıasat ınstıtýtynyń dırektory
