Sharaına
Seısenbi, 18 qyrkúıek 2012 7:59
Baı baıǵa quıady
Álemdegi mıllıarderlerdiń barlyq qarajaty bir jylda 14 paıyzǵaartyp, 6,2 trln. dollardy quraǵan. Bul týraly olardyń barlyqelderdegi aktıvteri men qarajattyq aqparattaryn zertteýmenaınalysatyn H-Wealth kompanııasy jarııalady.
Seısenbi, 18 qyrkúıek 2012 7:59
Baı baıǵa quıady
Álemdegi mıllıarderlerdiń barlyq qarajaty bir jylda 14 paıyzǵaartyp, 6,2 trln. dollardy quraǵan. Bul týraly olardyń barlyqelderdegi aktıvteri men qarajattyq aqparattaryn zertteýmenaınalysatyn H-Wealth kompanııasy jarııalady.
Zertteý jumystary 2011 jyldyń 31 shildesi men 2012 jyldyń 31 shildesi aralyǵynda júrgizilgen. Osy ýaqytta olardyń sany 9,4 paıyzǵa artyp, 2160 adamǵa jetipti. Bir qyzyǵy, osy ýaqyt aralyǵynda 200 mln.-nan bastap 999 mln. dollarǵa deıingi baılyǵy bar adamdardyń barlyq qarajaty 11,4 paıyzǵa tómendegen.
Abaıǵa «qyzmet» etip jatyr
Máskeýdiń «Chıstoprýdnyı»býlvaryndaǵy Abaıeskertkishiniń qasynda ókimetkeqarsylardyń taǵy bir úlkentoby jınaldy. Olardyń mıtıngótkizýine 15 qyrkúıekke sanksııaberilgen.
Biraq kóptegen adamdar Abaı eskertkishiniń janyn mise tutpaı, «Eski alańdaǵy» prezıdent ákimshiligine deıin kóshemen baryp, sherý jasamaq bolǵan. Bul sherýdi zańsyz dep tanyǵan polısııa ony uıymdastyrýshylar arasynan 20 belsendini tutqynǵa aldy. Aıta keterlik jáıt, osyndaı shýlardyń arqasynda máskeýlikterge Abaıdyń esimi burynǵydan góri tanymal bola tústi. Jýyrda Máskeýde 3 myń danamen basylyp, dúkenge qoıylǵan aqynnyń orys tilindegi jınaǵy lezde satylyp ketipti.
Ádilsot ádildikten aınymady
Tashkenttiń qalalyq soty reseılik MTS operatorynyń ózbekstandyqenshiles kásiporny – «ÝzDýnorbıta» kompanııasynyń múlki memlekettińkiris bóligine qabyldansyn degen úkim shyǵardy. Sóıtip, kóp ýaqyttanbergi daýǵa núkte qoıyldy.
О́zbekstan jerinde qyzmet etken MTS-tiń enshiles kásipornyna 20 mln. dollarǵa jýyq salyqtan jaltarǵan degen aıyp taǵylǵan bolatyn. Fırmanyń Reseıdegi basty kompanııasy óziniń fılıalyn ádilsottan aman alyp qalýǵa qansha kúsh jumsasa da, ózbektiń sot bıligi qaıyspady. Úkimde kompanııa jumysyn júrgizgen 4 top-menedjerge 3 jyldan shartty jaza da qosa berilgen.
Qysqa qaıyryp aıtqanda:
Ataqty psıhoterapevt Anatolıı Kashpırovskııdiń Mınsk qalasyndaǵybirneshe orynda halyqpen ótkizbek bolǵan seanstaryn jergilikti bılikótkizbeı tastady. Onyń sebebi týraly aqparattyq qurylymdar ázirgeeshnárse bile almaı otyr.
Latvııanyń Baýsk qalasynda SS-tiń polıseılik batalonyndaqyzmet etkenderge eskertkish ornatyldy. Onda «Baýsk qalasyn keńes basqynshylarynan qorǵaýshylarǵa» degen jazý bar.
Amerıka Japonııa aýmaǵynda 2-shi zymyrandyq qorǵanys radaryn ornatpaqshy bolyp otyr. Ol KHDR-dan ushyrylǵan zymyrandardy zalalsyzdandyrady degen sebep aıtylýda.
Máskeý men Tbılısıdiń arasynda jylymyq oty oıanǵan sekildi. Reseı tarapy Grýzııanyń suraýy boıynsha qylmysy úshin izdestirilý jarııalanǵan B.Bakýrıdze esimdi «zańdastyrylǵan uryny» qaıtardy.
Aýǵan polısııasynyń qyzmetkeri Zabýl provınsııasynyń aýmaǵynda jeksenbi kúni NATO-nyń 4 jaýyngerin atyp óltirip, 2-in aýyr jaralaǵan. Buǵan NATO shabýylynan beıbit turǵyndardyń qaza tabýy sebep bolǵan sekildi.
Bireýdiń kesiri bireýge tıdi
Lıvııada Amerıka elshisi óltirilgennen keıin 50 adam kúdikti retinde tutqynǵa alyndy. Olardyń arasynda Malı, Aljır azamattary bar. Tergeý barysyna qaraǵanda, qylmys shetelde uzaq ýaqyt daıyndalyp, osy eldiń aýmaǵyna syrttan engizilgenderdiń kúshimen jasalǵan.
Eske sala ketetin bolsaq, 11 qyrkúıekte Bengazı qalasynda Amerıka elshisi granatametten atylǵan oqtan óltirilgen bolatyn. Onyń sebebi Amerıkada radıkal-evreılerdiń musylmandardy kelemejdep túsirgen «Musylmandardyń kúnásizdigi» atty fılm edi. Osy fılmge narazy bolǵan musylmandar kóptegen memleketterde de qarsylyq aksııalaryn jasap jatyr.
Teketires týyp ketpese ıgi
Japonııa men Qytaı arasyndaǵy Sınkoký atty shaǵyn aral jaqyn aradaǵy úlken halyqaralyq teketirestiń basy bolyp ketpese eken degen qaýip týyp tur. О́ıtkeni, osy aralǵa Qytaı jaǵynyń bir myńǵa jýyq balyqshy kemeleri jol tartqan.
Mundaı «zorlyqqa» ońaı kóne ketetin Japonııa emes, ol barlyq kemelerdiń kapıtandary talas aýmaqqa enetin bolsa, tutqynǵa alynatynyn málimdedi. Bul iske eldiń qorǵanys qýaty qoldanylady delingen onda. Al Qytaı jaǵy bolsa, osy aýmaqta turǵan eldiń 6 patrýldik kemesi óz azamattaryn qorǵaıtyn bolady dep jarııalady.
Kórshiler birin-biri aıyptaýda
Chehııada spırttik ishimdikter arqyly metanoldan 20 adam ýlanǵan edi. Sonyń kesirinen Polsha chehtyń alkogoldik ishimdikterin satýǵa tyıym salǵan bolatyn.
Endi «erýlige – qarýly» dep cheh tarapy metanoldan ýlanýdyń oshaǵy Polshada dep jarııalady. «Barlyq qaýip cheh ishimdigi dep Polshada jasalǵan jasandy araqtan tarap otyr», degen aıyp aıtylǵan. Mundaı aıypty Polsha polısııasy qoldan jasalǵan qaýeset dep baǵalap, kerisinshe, cheh tarapynan kontrabandalyq jolmen keletin alkogoldik ishimdikterden saqtanyńyzdar dep óz halqyna jarııalady. Daýdyń aqyry nemen tynary belgisiz.
Internet materıaldary negizinde ázirlendi.
