Ashylý saltanaty Qazaqstannyń Nıderlandtaǵy Elshiliginiń dıplomattary, (2014-2016 jj.) Nıderlandtyń Qazaqstandaǵy burynǵy Elshisi H.Drısser, Deventer meri R.Konıg pen QR-men iskerlikke qyzyǵýshylyǵy bar shamamen jıyrma golland kompanııasynyń qatysýymen ótti. Is-shara barysynda Qurmetti konsýldyqqa Qazaqstan Respýblıkasynyń eltańbasyn resmı tapsyrý rásimi ótti.
QR Elshiliginiń ókilderi kesh qonaqtaryn atalǵa mańyzdy sharamen quttyqtap, Qurmetti konsýldyq ekijaqty ekonomıkalyq baılanystardyń odan ári nyǵaıýyna sebepshi bolatynyn atap ótti.
Is-shara qatysýshylaryna Nursultan Nazarbaevtyń QR Prezıdentiniń ókilettigin atqarýdy toqtatý týraly sheshimi jáne 2019 j. 20 naýryzda Qasym-Jomart Toqaevtyń Memleket basshysy laýazymyna kiriskeni týraly habarlandy. О́kilettikti tabystaý barysy QR Konstıtýsııasy men zańnamalaryn qatań saqtaý arqyly júzege asyrylǵany atalyp ótti.
Sonymen qatar, shara aıasynda QR ınvestısııalyq saıasatynyń sońǵy baǵyttary tanystyryldy. Osy oraıda elimizde qolaıly ınvestısııalyq jaǵdaıdy qoldaý – Qazaqstannyń memlekettik saıasatynyń basym baǵdary bolyp qalatyny erekshe atalyp ótti.
Qazaqstannyń Nıderlandtaǵy Qurmetti konsýly Henk Evert Nıbýr óz kezegińde atqarylǵan senimge rızashylyǵyn bildirip, eki el arasyndaǵy saýda-ekonomıkalyq, ınvestısııalyq jáne mádenı-gýmanıtarlyq yntymaqtastyqty nyǵaıtýǵa jáne damytýǵa atsalysýǵa ázir ekendigin málimdedi.
«Eýrazııalyq perspektıvalar» ortalyǵynyń dırektory, ádebıettanýshy, zertteýshi (qazaq ádebıeti klassıgi M.Áýezovtyń nemeresi) Zıfa-Alýa Áýezova Naýryz meıramy týraly prezentasııa jasap, tyńdarmandarǵa órkendeý men urpaqtar sabaqtastyǵynyń sımvoly - kóktemgi jańarý kezeńi merekesiniń tarıhy men dástúrleri týraly áńgimelep berdi.
