- Men úshin bul úlken maqtanysh, osy jyly baıqaý jańa deńgeıge shyqty. Bizge basqa qalalar men elderden dızaınerler keldi. Bir kezderi men Qaraǵandyda Fashion ındýstrııasyn damytýǵa bolady ma dep oıladym. Qazir men bul sala mańyzdy ekenin túsinemin jáne pikirlester men jaqtastar bar, deıdi jobanyń ıdeıalyq shabyttandyrýshysy Irına Nechaeva.
Baıqaý qalalyq mádenıet jáne tilderdi damytý bóliminiń tapsyrysy boıynsha «Shańyraq elge ortaq» QB uıymdastyrdy. Sharaǵa «Nur Otan» partııasynyń qalalyq fılıaly, Eýrazııalyq áıelder Assosıasııasy, Qaraǵandy oblysynyń jeńil ónerkásip komıteti jáne t.b. qoldaý kórsetti.
Baıqaý ulttyq kostıýmderdi kórsetýmen ashyldy. Odan ári dızaınerler etno-jáne eko-stıldegi toptamalardy usyndy. Maýsymnyń trendi kıizden jáne tabıǵı jibekten jasalǵan buıymdar boldy. Qazirgi sán obrazdarynyń ártúrliligimen tań qaldyrdy. Modelderdi ózgertti: qarapaıym jáne názik, batyl jáne mılıtarı stılin qoldanǵan.
Bas júlde men Máskeýge «Úzdik dızaıner» nomınasııasy boıynsha qatysýǵa joldamany Qazaqstan astanasynyń qatysýshysy Kamılıa Súleımenova jeńip aldy. Onyń toptamasyndaǵy dástúrli kıiz óńdeý sheberligi jańa qyrynan kórsetilip, zamanaýı lepke ıe boldy.
Qaraǵandylyq Olga Seller áshekeı dızaınynda úzdik dep tanyldy. Qazylar alqasy kenshiler qalasynyń ereksheligin beıneleıtin toptamany joǵary baǵalady. Sheber óz áshekeılerinde kómir men tabıǵı gúlder qoldanǵan.
- Negizi mamandyǵym boıynsha ekonomıstpin. Tórt jyl bezendirý dızaınymen aınalysamyn. Barlyǵy hobbıden bastaldy. Men ózime jáne qurbylaryma arnalǵan aksessýarlar jasadym. Sodan keıin shaıyr ústine tabıǵı gúlderden áshekeı jasaý tehnologııasyn meńgerdim. Hobbıim damı bastady da, kásibime aınaldy. Qazir kolleksııalarmen jumys isteımin jáne biregeı stılimdi jasaýǵa tyrysamyn, deıdi Olga Seller.
