Stadıon basshylyǵy oblys ákimine sport alańynda eleýli problemalar joq ekenine sendirýge tyrysty, biraq olardyń jáı qaraǵan kózge de kórinbeýi múmkin emes. Máselen, jylytý júıesi shamamen bir aı buryn iske qosylǵanyna qaramastan, alańdaǵy kógaldar áli kúnge deıin óspegen. Bul fýtbol alańynyń jylytý júıesi tolyǵymen jumys atqarmaıdy jáne kúrdeli jóndeýdi talap etedi. Budan basqa, kórermenderdiń trıbýnasyn jáne stadıon ǵımaratyn kúrdeli jóndeý qajet.
Qalanyń negizgi sport arenasy jaqsy jaǵdaıda bolmaǵanyn jáne stadıondy kimniń basqaratyny týraly tolyq ári túsinikti jaýapty OBJSM-nyń fýtbol boıynsha dırektory Gúlnaz Qartanova da, dene shynyqtyrý jáne sport basqarmasynyń basshysy Meırambek Mahambetov bere almady.
«Jaýapty tulǵalardyń boıynda jaýapty ustanym joq. Eger týrasyn aıtatyn bolsaq, bul jaǵdaı olardyń kásibı deńgeıleri týraly oılandyrady. Sonymen qatar, bárin jaqsy, eshqandaı problemalar joq, maýsymǵa daıynbyz dep aldaýǵa tyrysyp jatyrsyzdar. Tolyp turǵan jaýapsyzdyq. Nátıjesinde alań daıyn emes, sektorlar daıyn emes. Men qanshama jyldar boıy alǵash ret stadıonnyń osyndaı jaǵdaıyn kórip turmyn», - dedi Ońdasyn Orazalın.
«Qalanyń ómiri úshin, jalpy stadıon men fýtboldyń qoǵamdyq mańyzdylyǵyn eskere otyryp, uıymdastyrýshylyq, kadrlyq jáne qarjylyq máselelerge baılanysty amalsyz tótenshe sharalar qabyldaımyn. Másele durys sheshilmese mundaǵy keıbir adamdar endi jumys istemeıdi», - dedi oblys ákimi.
Oblys basshysynyń tapsyrmasyna sáıkes osy kúni stadıondaǵy kúrdeli jóndeý júrgizý máselesi boıynsha sarapshylardyń qatysýymen keńes shaqyryldy.
