«Memleket azamattardyń áleýmettik osal sanattaryn, sonyń ishinde qarttar men múmkindigi shekteýli azamattardy qoldaýǵa erekshe kóńil bóledi. Bul bizdiń memleketimizdiń áleýmettik saıasatynyń basym baǵyttarynyń biri bolyp tabylady. «Nur Otan» partııasynyń XVIII sezinde Elbasy basty mindetterdiń biri azamattardyń ómir súrý sapasy men ál - aýqatynyń artýyn anyqtady», dep atap ótti Berdibek Saparbaev ortalyq turǵyndarymen áńgime barysynda.
«Sharapat» áleýmettik qyzmet kórsetý ortalyǵy 1989 jyldan bastap jumys isteıdi jáne qart adamdar men múgedekterdiń turaqty nemese ýaqytsha turýyna, sondaı-aq ómirlik qıyn jaǵdaıǵa tap bolǵan adamdarǵa arnalǵan 400 orynǵa eseptelgen. Qazirgi ýaqytta munda 27-97 jas aralyǵyndaǵy 321 adam turady. Onyń ishinde eki UOS qatysýshysy, 8 UOS qatysýshylaryna teńestirilgender, 25 tyl eńbekkerleri, 4 qýǵyn - súrginge ushyraǵandar.
Qamqorlyqtaǵy adamdarǵa saýyqtyrý jáne áleýmettik-ońaltý qyzmetteriniń kesheni kórsetiledi. Onyń ishinde emdeýdiń medıkomentozdy emes ádisteri: ıppoterapııa jáne júzý, «Tonýs» densaýlyq toby, «Belsendi tań», «Skandınavtyq júris» qoldanylady. Mekemede turatyn múmkindigi shekteýli azamattar serýendeý arbalarymen, júrgishtermen, baldaqtarmen, ortopedııalyq aıaq kıimmen, tıfloquraldarmen, gıgıenalyq quraldarmen qamtamasyz etilgen.
Sondaı-aq áleýmettik-psıhologııalyq qyzmet kórsetý jáne psıhoemosııalyq turaqtylyq pen relaksasııany qoldaý maqsatynda sensorlyq bólme, qum jáne ıonoterapııa bólmeleri jumys isteıdi. «Halyqtyq qoldanbaly shyǵarmashylyq», «Sheber qoldar», «Kórkem sýret salý» úıirmeleri, tigin sehy, etik sheberhanasy, múgedekter arbalaryn jóndeý sheberhanasy jumys isteıdi.
