Mańǵystaý aýdany aýmaǵynda ornalasqan «QazMunaıGaz» UK» AQ-qa qarasty atalmysh ken ornynyń kúrdeli ýchaskesinde uńǵymanyń qurylysy barysynda ken ornynyń ortalyq bóligine tán tehnogendik sıpattaǵy gaz-sý aralas tabıǵı burqaq atqylaı janyp, 10 metr bıiktikke deıin jalyn ata alaýlaǵany, órt aýmaǵynyń 900 sharshy metr jerdi qamtyǵany aıtylýda. Apat týraly aldymen tótenshe jaǵdaılar departamentiniń kezekshi-dıspetcherlik qyzmetine habarlanǵan.
Qazirgi tańda oqıǵa ornynda Mańǵystaý oblysynyń TJD, «Semser-О́rt sóndirýshi» JShS jáne «Faır protekshn LTD» JShS jeke quramynyń 53 adamy jáne órt sóndirý tehnıkasynyń 12 birligi jumyldyrylǵan. О́rtti sóndirý barysynda janǵan jerdi tasymaldanatyn lafettik oqpandarmen sóndirý úshin birneshe ret talpynystar jasaldy, alaıda órt oshaǵyna kirme joldardyń joqtyǵyna baılanysty órtti aýyzdyqtaý múmkin bolmady.
Operatıvti órt sóndirý shtabyn Mańǵystaý oblysy TJD bastyǵy Q.Bazarbaev basqarýda. Shtab quramyna «Mańǵystaýmunaıgaz» AQ bas dırektorynyń birinshi orynbasary B.Imanbaev, QM Indýstrııalyq damý jáne ónerkásiptik qaýipsizdik komıteti departamentiniń basshysy S.Qazaqbaev, KÁAQQ ROSh Mańǵystaý fılıalynyń (burqaqqa qarsy qyzmet), «SıBý» JShS ókilderi jáne basqalar bar.
«QazMunaıGaz» UK» AQ oqıǵaǵa baılanysty aqparat taratty. Aqparatta sý-gaz aralas burqaqtyń shyǵýy jaıly aıtylyp, 13-24 kúnderi mamandar kúrdelendirilgen burǵylaý eritindisimen uńǵymany jýý jónindegi jumystardy, sondaı-aq grıfondardy joıý úshin jóndeý-oqshaýlaý jumystaryn júrgizgendigi aıtylǵan.
«2019 jylǵy 25 naýryzda saǵat 05:46-da (Nur-Sultan qalasynyń ýaqyty boıynsha) 8232 uńǵymanyń aýmaǵynda 16 naýryzda jer betine shyqqan gaz-sý qospasynyń oshaǵy jana bastady. «Semser-О́rt sóndirýshi» JShS jaýyngerlik tobynyń shaqyrylǵan orynǵa kelý ýaqyty 05 saǵat 58 mınýt. Qurban bolǵan jáne zardap shekkender joq. 2019 jylǵy 25 naýryzda saǵat 14:30-ǵa qaraı órtti aýyzdyqtaý úshin qosymsha Aqtaý qalasynyń MО́QQ 6 órt sóndirý toby kelip jetti: 4 avtosısterna, 1 jyljymaly sorǵy stansasy, 1 gaz-sý sóndirýshi avtomobıl» delingen aqparatta.
Elimizdiń Indýstrııa jáne ınfraqurylymdyq damý mınıstrliginiń Indýstrııalyq damý jáne ónerkásiptik qaýipsizdik komıteti Mańǵystaý oblysynyń aýmaqtyq bólimimen birlesip, ken ornyndaǵy apatty oqıǵanyń mán-jaıyn anyqtaýda.
Oqıǵa ornyna Qazaqstan Respýblıkasy Energetıka vıse-mınıstri M.Dosmuhambetov keldi. Birinshi vıse-mınıstr órtti tumshalaýǵa jumylǵandardyń jumysyn qadaǵalýda. 26 naýryzda qandaı da naqty sheshim qabyldanýy tıis bolatyn.
– Apat oryn alǵan jerden kúndelikti aýanyń, topyraqtyń, sýdyń synamalary alynyp, saraptama jasalyndy. Apat tolyq aýyzdyqtalǵan soń ǵana qorshaǵan ortaǵa qandaı zııan keltirilgeni, onyń kólemi týraly aıtýǵa bolady. Barlyq jumystar el zańnamalaryna sáıkes júrgiziletin bolady, – dedi Mańǵystaý oblysy óńirlik kommýnıkasııalar qyzmetiniń Ortalyq kommýnıkasııalar qyzmetimen birlese ótkizgen brıfınginde Mańǵystaý oblysynyń ekologııa departamenti basshysynyń mindetin atqarýshy R.Týkenov.
Oqıǵanyń sebep-saldary tolyq anyqtalady dep oılaımyz. Zardap shekkenderdiń bolmaýy kóńil qýantady. Alaıda, tótenshe jaǵdaıdy, oryn alǵan oqys oqıǵany aýyzdyqtaýdaǵy kásibıliktiń, sheberliktiń shynaıylyǵyna kúmán paıda boldy. Sandaǵan tehnıka men mamandar kúshin jumyldyra júgirgenmen, aıdyń-kúnniń amanynda uńǵymadan shyqqan sý aralas gazdy tumshalaı almaı ábigerge túskenderdiń áreketine qarap sonaý 1961 jyldary munaı burqaǵy atqylaǵanda qara kúsh pen qurysh bilegine súıene jansebildik tanytqandardyń erligin eske ala kúrsinesiz...
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
