27 jastaǵy Geteborg qalasynyń týmasy sporttyq karerasyn óz elinde bastasa, keıinnen AQSh-qa attandy. AHL-da da, UHL-da oınap kórdi. Ulttyh hokkeı lıgasynda Svedberg 27 kezdesý ótkizdi. 2 gol soǵyp, 2 ret nátıjeli pas berdi.
Byltyrǵy maýsymda «Barystyń» sapyna qabyldanǵan shvesııalyq qorǵaýshynyń oıyn órnegi birden kórermender kóńilinen shyqty. Boıy 206 santımetr, salmaǵy 108 kılony quraǵan Vıktor óziniń tikeleı mindetin jaqsy atqaryp qana qoımaı, shabýyl shebinde de sátti oınady.
«Barystyń» sapynda ózin jaqsy qyrynan kórsetken aıtýly hokkeıshige Shvesııanyń ulttyq quramasy bapkerleriniń kózi tústi. Sodan olar Vıktor Svedbergti bas komandanyń sapyna shaqyrtty. Endi ol Slovakııa men Vengrııaǵa qarsy ótetin joldastyq kezdesýge qatysady. Eger osy básekeler barysynda oıyny bapkerlerdiń kóńilinen shyqsa, odna Svedberg álem chempıonatyna qatysýy múmkin.
Ǵalym SÚLEIMEN,
«Egemen Qazaqstan»
