Qazir Taldyqorǵan qalasy ákimdiginiń jolaýshylar kóligi jáne avtomobıl joldary bólimi oblys ortalyǵyndaǵy kópbalaly analardy tirkep, olarǵa tegin jol júrý bıletin berýdi bastady.
Jalpy Almaty oblysynda 4 jáne odan da kóp balala tárbıelep otyrǵan 40 ana esepke alynǵan. Búginde bul otbasylardyń tabys deńgeıin anyqtaý jumystary júrip jatyr.
- Birinshi kezekte tabysy tómen kóp balaly otbasylaryna kóńil bóletin bolamyz. Az qamtylǵan otbasylaryn, sonyń ishinde kóp balaly otbasylaryn neǵurlym keń qamtý úshin ataýly áleýmettik kómek kórsetý krıterıleri tómengi kúnkóris sheginiń 70 prosentine deıin, ıaǵnı 14 849 teńgeden 20 789 teńgege deıin arttyrylady. Mundaı otbasylardyń kiris jıyntyǵyn eseptegende kóp balaly otbasylarǵa, kóp balaly analarǵa beriletin memlekettik járdemaqylar, balalardyń múgedektigi úshin beriletin járdemaqylar, stıpendııalar esepke alynbaıdy. Sonyń negizinde bizdiń oblysta ataýly áleýmettik kómek alatyndar sany 11 myń otbasynan 17 myń otbasyna kóbeıgeli tur. Sondaı-aq, múgedek balalarǵa beriletin járdemaqy kólemi de 30 prosentke ulǵaıady, ony qazir oblysta 8108 otbasy alahyp otyr, - deıdi oblys ákimi Amandyq Batalov.
Qalmahanbet MUQAMETQALI,
«Egemen Qazaqstan»
Almaty oblysy
