«Qazaqmys» korporasııasy JShS, ońtústikkoreıalyq Ense ýnıversıtetiniń «Severans» gospıtali men «Severance-KZ halyqaralyq medısınalyq qory» qoǵamdyq qorynyń basshylary uzaqmerzimdi yntymaqtastyq týraly úshjaqty memorandýmǵa qol qoıdy.
«Severans» gospıtali Ońtústik Koreıa Respýblıkasyndaǵy mańdaıaldy medısınalyq mekemelerdiń biri jáne Azııanyń densaýlyq saqtaý júıesinde kóshbasshy dep tanylǵan. Onyń mamandary astanalyq Ense Ýnıversıtetiniń akademııalyq bazasynda jumys isteıdi.
Qol qoıylǵan qujatqa sáıkes, ońtústikkoreıalyqtar Jezqazǵan Medısınalyq ortalyǵynyń mamandaryna ǵylymı jáne ónerkásiptik medısına salasynda tájirıbelik jáne konsýltatıvtik kómek kórsetedi. Sonymen birge, kelisimde densaýlyq saqtaý salasyna zamanaýı tehnologııalardy engizýmen qatar, Ense Ýnıversıteti ázirlegen arnaıy baǵdarlama negizinde qazaqstandyq medısına qyzmetkerlerin oqytý kózdelgen.
Mundaı tyǵyz yntymaqtastyq «Qazaqmys» kompanııalar tobynyń jumysshylary men Jezqazǵan óńiriniń turǵyndaryna sapaly medısınalyq qyzmet kórsetý isindegi bizdiń alǵa qoıǵan maqsattarymyzdyń oryndalýyna oń yqpal etedi dep úmittenemiz, – dedi «Qazaqmys korporasııasy» JShS Basqarýshy Keńesiniń Bas dırektory Baqtııar Qyryqpyshev.
Qol qoıylǵan memorandým Qazaqstannyń Tuńǵysh Prezıdenti bastap bergen densaýlyq saqtaý salasyndaǵy Qazaqstan-Koreıa yntymaqtastyǵyna qosylǵan aıtarlyqtaı úles bolmaq.
Oraıy kelip turǵanda Qazaqstanyń Tuńǵysh Prezıdenti – Elbasy Nursultan Nazarbaev Ense ýnıversıtetiniń qurmetti professory ekenin eske sala ketken jón.
Aınash ESALI,
«Egemen Qazaqstan»
