Is-shara IIM-niń «Baqytty balalyq shaqty qorǵaý» ımıdjdik jobasy aıasynda qazaq estradasynyń jaryq juldyzy, «Azııa daýysy» jáne «Daryn» fesıvaliniń laýreaty Beıbit Qorǵannyń qatysýymen uıymdastyryldy. IIM-niń atalǵan jobasy qoǵamda balalarǵa qatysty jasalatyn quqyqqa qaıshy áreketterge jol bermeý prınsıpin qalyptastyrýǵa, sondaı-aq jasóspirimder qylmysyn tómendetýge baǵyttalǵan.
Elordalyq polıseıler respýblıkanyń barlyq óńirleri boıynsha ótken qaıyrymdylyq konsertiniń qorytyndylaý kezeńin uıymdastyrýdy qolǵa aldy.
Kórermenniń súıikti ánshisine aınalǵan Beıbit Qorǵandy kórermender erekshe qoshemetpen qarsy aldy. Konsertte kórermender súıip tyńdaıtyn kópshilikke belgili hıt ánder oryndaldy. Ánshi sahnaǵa shyqqan bette jas kórermender jyly qabyldap, kópshilikke tanymal ánderin qosylyp oryndady.
Konsertke qatysý úshin Ulttyq ulan men Polısııa departamentiniń kórkemdik ujymy shaqyryldy. Ásirese kórermenderdi kishkentaı ártister, polısııa qyzmetkerleriniń balalary óz ónerlerimen erekshe qýantty.
Keshtiń sońynda Ishki ister mınıstriniń keńesshisi Nurdildá Oraz keremet uıymdastyrylǵan konsert úshin Beıbit Qorǵanǵa jáne konsertke qatysýshylarǵa alǵysyn bildirdi. Polısııa departamenti Ardagerler keńesiniń tóraǵasy Qarshyǵa Kishkentaev vedomstvo basshylyǵynyń atynan Beıbit Qorǵanǵa alǵyshat tabystady.
