Onyń ishinde aýyl sharýashylyǵy tehnıkalaryn, tyńaıtqysh, ósimdik qorǵaý hımııalyq zattaryn usynatyn «IMEXGroup»JShS, «Omıchka» seıalkasyn óndiretin «L-AGRO» «Evrosıbagro» SО́K» sekildi iri kompanııalar da bar. Oblys ákiminiń orynbasary Ǵaýez Nurmuhambetov kórmeniń ótkizilýi óńir ekonomıkasyn damytýǵa degen mańyzdy sharanyń birinen sanalatynyn aıtty.
«Aýyl sharýashylyǵyn damytýǵa qazir ozyq tehnologııalar qajet. Al ol tehnıkasyz, tyńaıtqyshsyz jáne veterınarlyq dári-dármeksiz múmkin emes. Sondyqtan osyndaı kórmeler sharýa men dıqandarǵa jasalyp otyrǵan úlken múmkindik bolyp tabylady. Osymen oblysta besinshi ret ótip otyrǵan kórmege Reseıden, Belorýstan bizdiń aýylsharýashylyǵy taýarlaryn óndirýshilerge tanys emes jańa kompanııalardy shaqyrýdy maqsat tuttyq. Olarmen jumys isteýge barynsha múmkindik týyp otyr» dedi Ǵaýez Torsanuly.
Rasynda, kórmeniń jańalyqtary bolmaı qalmady. Mysaly, «Dıqan» saýda úıi «VibroCompact JCC 08121.C1A1» astyq tazalaıtyn mashınasyn kórsetýge ákelipti. Chehııadan alynǵan bul mashına kez kelgen dándi tazalaıdy, odan shyqqan qaldyqty qaıta tazalap, mal jemi deńgeıine kóteredi.
«Qazir sharýashylyqtar maıly daqyldardy kóp egip jatyr. Olardy tazalaýda bul mashınanyń balamasy joq. Qazaqstanǵa bes mashına ákeldik, olar jumys istep tur, dıqandar óte rıza» deıdi Astanadan kelgen Anatolıı Baranov.
«Eginmen, malmen aınalysamyz. Qazir tehnıkalardyń óte jaqsy, utymdy túrleri shyǵyp jatyr. Mysaly kombaındar óte qajet, tehnıkany jańalaǵymyz keledi. Tehnıkalar dıqan úshin qymbattaý, biraq alý kerek» deıdi kásipker Jaýqashty Qalıev.
Kórme tańerteńnen keshke deıin ótti. «AgroQostanaı-22019» kórmesiniń basty maqsaty – aýyl sharýashylyǵy taýarlaryn óndirýshiler men tehnıka jáne basqa da tehnologııa, quraldar usynýshylar arasynda baılanys ornatý bolatyn. Keshke deıin isker kelisimder jasaldy.
Názıra Járimbet,
«Egemen Qazaqstan»
Qostanaı
