«QazAvtoJol» ulttyq kompanııasy» AQ oblystyq fılıalynyń málimetinshe, 105 nysannyń 30-y bos tur, qalǵan 56 nysan jyly dárethanalar men avtokólik turaqtary joq, qajetti standartqa saı kelmeıdi.
Elimizdegi «Avtomobıl joldary» týraly 2015 jyly zańnama ózgeristerine sáıkes, respýblıkalyq mańyzy bar jol boıyndaǵy nysandardyń barlyǵy jyly dárethanamen qamtylýy tıis.
Al, jol boıyndaǵy janar-jaǵarmaı beketteri dárethanalaryna jolaýshylardy kirgizbeıdi.
Oblystyq kásipkerlik, saýda jáne týrızm basqarmasynyń habarynsha, óńirdegi jol boıyndaǵy servıstik qyzmet kórsetý nysandarynyń 50-de jyly dárethana bar.
О́tken jyly jol boıynda qyzmet kórsetetin 4 nysan iske qosylǵan. Bıyl taǵy 9 jańa nysandy paıdalanýǵa berilmek.
Fılıal málimetinshe, eger qujattarǵa ózgerister engizilse, qajetti standartty oryndaǵysy kelmeıtin jol boıyndaǵy kásipkerlik nysandaryna aıyppul salý.
Nemese, jol boıynda qyzmet kórsetý ornyna burylatyn joldy jaýyp tastaý.
Sonymen birge, aýdan-qala ákimderin jergilikti kásipkerlermen jumys júrgizýdi qolǵa alýlary qajet.
Fılıal málimetinshe, qazir bizdiń Úkimet KazWay konteınerlik tıpindegi modýldi pavılondar ornatýdy bastamaq eken.
Iаǵnı, 2025 jylǵa deıin elimizdiń joldarynda dál osyndaı 360 servıstik nysan ornatylady. Alǵashqy kezekte jalpy quny 1,5 mlrd teńge bolatyn 66 modýl salynady. Olardyń 5-i bizdiń oblysta ornatylmaq.
Aldaǵy jaz aıynda Aqtoǵaı, Jelezın, Baıanaýyl, Aqqýly aýdandarynyń shyǵa berisine as ishetin oryn, azyq-túlik dúkeni jáne jyly dárethanasy bar konteınerlik modýlder ornatylady. Bir modýldiń baǵasy- 28 mıllıon teńge.
Farıda BYQAI,
«Egemen Qazaqstan»
PAVLODAR
