Sarapshylar ne deıdi?
Juma, 30 qarasha 2012 7:23
Taldyqorǵan qalalyq sotynda áskerı qyzmetshi Vladıslav Chelahtyń isi boıynsha sot talqylaýy jalǵasýda. 29 qarashada sot sottalýshynyń advokatyna óz qorǵaýyndaǵy adammen kezdesip, onyń proseske qatysqysy keletindigin bilý jóninde kezekti múmkindik berdi. Jarııalanǵan úzilisten soń Serik Sákenov sotqa V.Chelahtyń burynǵysynsha sottalǵandar kamerasynan shyǵýdan bas tartqanyn, sot is boıynsha barlyq aıǵaqtardy zerttegennen keıin ǵana óziniń málimetter beretinin habarlady.
Juma, 30 qarasha 2012 7:23
Taldyqorǵan qalalyq sotynda áskerı qyzmetshi Vladıslav Chelahtyń isi boıynsha sot talqylaýy jalǵasýda. 29 qarashada sot sottalýshynyń advokatyna óz qorǵaýyndaǵy adammen kezdesip, onyń proseske qatysqysy keletindigin bilý jóninde kezekti múmkindik berdi. Jarııalanǵan úzilisten soń Serik Sákenov sotqa V.Chelahtyń burynǵysynsha sottalǵandar kamerasynan shyǵýdan bas tartqanyn, sot is boıynsha barlyq aıǵaqtardy zerttegennen keıin ǵana óziniń málimetter beretinin habarlady.
Osydan keıin sot sarapshylary Natalıa Gotovko men Serik Qarsybaevtan jaýap aldy. Alǵashqy sarapshy tergeý kezinde Chelahtyń kameralastarymen áńgimelesip, ózi jasaǵan qylmystardy egjeı-tegjeıli baıandaǵan beınejazbaǵa fonoskopııalyq saraptama jasaǵan. Sotta N.Gotovko jazbadaǵy daýystyń shynymen sottalýshynyń daýysy ekenin rastady. О́rt-tehnıkalyq saraptama jasaǵan sarapshy S.Qarsybaev sotta «Arqankergen» beketinde oq-dáriler jarylysynyń bolmaǵanyn málimdedi.
Sondaı-aq sotta Alakól AIIB bastyǵynyń orynbasary Rústem Bekbaev aıǵaqtar keltirdi. Ol V.Chelahtyń ustalyp, oqshaýlaǵyshqa qamalǵannan keıin-aq óz erkimen kinásin moıyndap kelgeni týraly jazyp bergenin túsindirdi. Bul rette, kýániń aıtýynsha, sottalýshyǵa eshqandaı psıhologııalyq nemese fızıkalyq qysym jasalmaǵan.
Tyńdaý barysynda advokat S.Sársenov óz kóńil-kúıiniń nasharlaǵanyn habarlap, isti tyńdaýdy keıinge qaldyrý jóninde ótinish aıtty. Sot ótinishti qanaǵattandyryp, advokatty otyrysqa kelip, óz densaýlyǵy týraly habarlaýǵa mindetteı otyryp, isti tyńdaýdy 14-30-ǵa deıin keıinge qaldyrdy. Degenmen, Sársenov sot prosesine sol kúıi kelgen joq.
