Biz ózgerdik. Bizde kóp nárse ózgerdi. Rýhanı quldyraý. Oılaý júıesi. Naryq. Jumyssyzdyq. Quldyq. Adam saýdasy. Toqyraý. Tyǵyryq. Osy kúıdi ótkergen ult taǵdyryn fılm avtory basty keıipker Aıka arqyly úlken sheberlikpen ashady. Bul zamannyń ashy shyndyǵyn moıyndaý.
Fılmniń basty utymdylyǵy – avtor kórermenge tyǵyryqqa tireıtin suraq qoıady. Tańdaý jasaýǵa múmkindik. Esep berý. Aryńa. Adaldyǵyńa. Amanatyńa. Adamzattyq deńgeıde ulttyń quqyn ashyq talqyǵa salady.
Osy biz nege adam sııaqty ómir súre almaımyz?! Áleýmetke turaqty ekonomıkalyq júıe qura almaımyz?! Aıýandyǵymyzdy moıyndaımyz. Biraq tabıǵatymyzǵa qarsy tura almaımyz. Másele osynda. Sheshilmegen túıin. Jaýaby joq kóp suraq. Fılmniń fınalyndaǵy sharasyzdyqtan qınalyp jylaǵan Aıkanyń kóz jasy kórermendi de tyǵyryqqa tireıdi. Bul sát úlken sheberlikpen fılmge utymdy núkte qoıǵan.
Kúnkóris. Kúıbeń tirlik. Kúneltý. Jan baǵý. Osy jolda barlyq táýekelge barý. Baladan bezý. О́z analyq tabıǵatyna qarsy turý. Túısigin moıyndamaý. Sezimderine shabýyl jasaý. Qııanat. О́zin aıamaý. Múldem umytý. Bári de sharasyzdyqtan. Amal joqtyqtan. Tańdaý qalmaý. Haıýan qurly qunyń bolmaý. Bul fılm ulttyń quqyn taptaý men saqtaýdyń eń ózekti saıası máselesin ótkir qozǵaı bildi.
Urpaq jazyqty emes. Er-azamat jaýapkershilik almasa. Áıel zatyn qorlasa. Ana dep syılamasa. Qaryndas dep qorǵamasa. Jarym dep aıalamasa. Báriniń quny joıylady. Máseleniń negizgi ózegi osynda. Áıel – rýhanı, er-azamat – materıaldyq qundylyqtarǵa jaýapty. Ekonomıkanyń barlyq saıası kartasy dál osy fılmde erekshe ashyldy.
kınotanýshy, ónertaný PhD doktory
