«Bıyl Respýblıkalyq veterınarııalyq zerthana shekara mańyndaǵy jáne eksportqa baǵdarlanǵan aýdandarda 4 zerthanany akkredıtteýdi, 28 aýdandyq zerthanany materıaldyq-tehnıkalyq turǵydan jaraqtandyrýdy, dıagnostıka men tamaq qaýipsizdigi boıynsha kórsetiletin qyzmetter tizbesin keńeıtýdi josparlap otyr» dedi S.Omarov.
Onyń aıtýynsha, veterınarııalyq qyzmetterdi ornalastyrý boıynsha sheshimin tappaǵan mynadaı máseleleri bar. Mysaly, 2013-2014 jyldary jergilikti atqarýshy organdar janynan qurylǵan 2 534 vetstansııa men vetpýnkttiń tek 33%-y (834) ǵana óz úı-jaılarynda ornalasqan, 63%-y (1 585) ákimdikterde nemese basqa da uıymdarmen birge ornalasqan, vetpýnkterdiń 4%-ynda (115) úı-jaı joq.
«431 vetstansııa men vetpýnkt úı-jaılaryna kúrdeli jóndeý júrgizý qajet, 13 374 laýazymdyq birliktiń 537-si (4%) bos oryn, 3 764 tehnıkadan 130 tehnıka (3%-y) paıdalanylmaıdy» dedi ol.
Sondaı-aq ol fıtosanıtarııalyq jáne ósimdikter karantıni jónindegi is-sharalar týraly sóz etti.
«Fıtosanıtarııa (karantın) salasyndaǵy is-sharalardy qarjylandyrýǵa 34,6 mlrd teńge kózdelgen. Bul ótken jylǵy deńgeıden 7,2 mlrd teńgege artyq. 2019 jyly asa qaýipti zııandy organızmder men karantındik obektilerge qarsy is-sharalar júrgizýge ótken jyly 3,6 mlrd teńge bólinse, bıyl 4,9 mlrd teńgege jýyq qarjy bólindi. Pestısıdter, olardy saqtaý, tasymaldaý jáne qoldaný jónindegi kórsetiletin qyzmetter satyp alynyp qoıdy» dedi Saparhan Omarov.
Budan soń, ol sáýir aıynyń ekinshi onkúndiginde ońtústik óńirlerde shegirtke zııankesterine qarsy hımııalyq óńdeý júrgiziletinin aıtty.
Eske sala keteıik, elimizdiń fıtosanıtarııalyq qyzmeti 2018 jyly asa qaýipti zııandy organızmder men karantındik obektiler (kartalar) boıynsha el aýmaǵyn óńirlendirý jumysyn júrgizdi.
