Batys Qazaqstan oblystyq aýyl sharýashylyǵy basqarmasy basshysynyń orynbasary Denıs Omashevtiń aıtýynsha, bıylǵy egis alqabynyń kólemi 2018 jylmen salystyrǵanda 25 myń gektarǵa nemese 4,9% artyq eken. Naryqtaǵy suranysqa jáne óndiristik tıimdiligine baılanysty maıly daqyldar alqaby 18,2%-ǵa, kartop 2,4%-ǵa jáne kókónis-baqsha daqyldarynyń alqaptary 7,5%-ǵa ulǵaıady.
Joba boıynsha óńirdegi dándi daqyldardyń alqaby 265,0 myń ga quraýy tıis. Onyń ishinde 76,6 myń gektar alqap kúzdik daqyldy quraıdy.
Egiletin dándi daqyldyń basym bóligin quraıtyny – bıdaı men arpa, bular barlyq daqyl túriniń 90 paıyzy. Odan bólek 4,4 myń ga tary da bar.
Maıly daqyldar alqaby da 2018 jylmen salystyrǵanda 10 myń gektarǵa kóbeıip, 64,8 myń ga bolmaq. Onyń basym bóligi kúnbaǵys 51,0 myń gektarǵa egiledi.
Budan bólek 10 000 ga alqapqa kartop jáne kókónis-baqsha daqyldaryn egý josparlanǵan.
Gıdrometqyzmet mamandary bıyl Batys Qazaqstan oblysynda topyraqtyń joǵary qabatynyń ylǵaly mol dep otyr. Onyń ústine egistik ıeleri de qarap jatpaı, qys boıy 35 myń gektar jerde qar toqtatý jumystaryn júrgizgen. Osynyń bári bıylǵy egin shyǵymy jaqsy bolady degen úmitti oıatyp otyr.
О́ńirde kóktemgi egisti júrgizýge qajetti tuqym qory jetkilikti. Mysaly, dándi daqyldar úshin tuqym qory – 105%, maıly daqyldar úshin – 102, kartop tuqymy – 100% daıyn. Bul tuqymdyq qordyń sapasyn «Qazagreks» AQ jáne «Oral-Jer» JShS zerthanalary tekserip, «egýge jaramdy» degen sheshim shyǵarǵan.
Bıylǵy kóktemgi dalalyq jumystaryna Batys Qazaqstan oblysynda 4215 traktor, 4081 dánsepkish, 830 qopsytqysh jáne «Djon Dır», «Fleksıkoıl», «Keıs», «Horsh» markaly 47 joǵary ónimdi egis keshenderiniń qatysady. Búginde traktorlardyń 97%, dánsepkishterdiń 96%, qopsytqyshtardyń 97% jumysqa daıyn.
Kóktemgi dalalyq jumystardy júrgizý úshin oblysqa 12 myń tonna (sáýirge - 2 myń tonna, mamyrǵa – 6 myń tonna, maýsymǵa – 4 myń tonna) dızel otyny kerek. Bul kólem bólindi, jetkizýshi operator bolyp «Batys Arna» JShS anyqtaldy. Dızel otynynyń baǵasy lıtrine 165 teńgeni quraıdy.
- Kóktemgi egis jumystaryn qarjylandyrýǵa «Keńdala» baǵdarlamasy arqyly 291,5 mln. teńge qarastyrylǵan, ol 7%-dyq mólsherlememen beriledi. Qarjy «Agrarlyq nesıe korporasııasy» AQ oblystyq fılıalynyń aýdandyq nesıe seriktestikteri arqyly aýyl sharýashylyq taýar óndirýshi 15 uıymǵa berildi. Budan bólek «Agrobıznes» baǵdarlamasy boıynsha 16%-dyq mólsherlemesi bar 559 mln. teńge qarastyrylǵan, - deıdi «Agrarlyq nesıe korporasııasy» AQ BQO fılıalynyń dırektory Erlan Nysanǵalıev.
«Kazagroqarjy» AQ Batys Qazaqstan oblystyq fılıaly dırektorynyń orynbasary Amangeldi Imanov óńirde tehnıka lızıngisine 2900 mln. teńge qaralǵanyn, qazirgi ýaqytta sharýashylyqtar 1050 mln. teńgege 80 birlik tehnıka satyp alǵanyn aıtyp otyr.
Batys Qazaqstan oblysy
