Búgingi tańda oblysta 249,8 myń gektar sýarmaly jer bar. Onyń 171,7 myń gektary egistik, 58 myń gektary tyńaıma jer, 17,4 myń gektary baqshalyq, qalǵan 2,7 myń gektary ózge de aýylsharýashylyq alqaptaryna jatady. Sýarmaly egistik kólemin 300 myń gektarǵa jetkizý tapsyrmasyna sáıkes jumysshy top barlyq aýdan boıynsha zertteý, taldaý jumystaryn júrgizdi. Onyń barysynda aýdan, qala ákimdikteri buǵan deıin usynǵan ýchaskelerdiń kólemderi men ornalasýy naqtylanyp, sonymen qatar qosymsha jerlerdi qosý múmkindikteri talqylanǵan.
Oblys basshysy bul jumystyń óte mańyzdy ekendigine kóńil aýdardy.
– Sýarmaly jer kólemi artýymen egin sharýashylyǵyn ártaraptandyrý júzege asyrylyp, ónimdiligi joǵary, sýdy az qajet etetin naryqta suranysqa daqyldar ósiriletin bolady. Ol óz kezeginde óńirdiń eksporttyq áleýeti artýyna, azyq-túlik qaýipsizdigin qamtamasyz etýge múmkindik beredi. Bul jumystar aýdandarda áleýmettik-ekonomıkalyq máselelerdi sheshýdiń, aýyldy kórkeıtýdiń, kásipkerlikti jandandyrýdyń, jańa jumys oryndary ashylýynyń birden-bir tetigi. Sondyqtan, eshkimge de salǵyrttyqqa salynýǵa bolmaıdy. Mamandar jańadan iske qosylatyn alqaptarǵa sý jetkizý joldary men qandaı daqyldar egýdiń tıimdiligin anyqtaýy tıis. Jergilikti jerlerde ákimder osy jumystardy atqarýǵa qyzyǵýshylyq tanytqan ınvestorlardy tartyp, tıisti usynystaryn berýi qajet, – dedi ol.
Qyzylorda oblysy
