Baıqaýǵa qabyldanatyn shyǵarmalarda bas basylymnyń qazaq baspasózindegi orny men ulttyq til ǵylymyn nasıhattaýdaǵy mańyzy basa nazarǵa alynbaq. Úmitkerler baıqaý shartyna sáıkes 29 sáýirge deıin pýblısıstıkalyq shyǵarmalaryn oblystyq tilderdi damytý jónindegi basqarmaǵa joldaı alady.
- Jaryq kórgenine 100 jyl tolyp otyrǵan «Egemen Qazaqstan» gazeti alǵashqy sany shyqqan kúnnen bastap qazaq tiliniń damýy men ulttyq til qorynyń jasaqtalýyna ólsheýsiz úles qosyp keledi. Qazaq memleketiniń qalyptasý tarıhynda ultymyz 3 ret jazý álipbıin aýystyrǵany belgili. Latyn, tóte jazý jáne kırıll qarpine kóshý kezeńinde «Egemen Qazaqstan» gazeti oqyrmandarǵa jańa álipbıdi nasıhattaý, dáripteý, beıimdeý jumystarynyń kósh basynda boldy. Bul ulttyq til ǵylymynyń nasıhattalýy men jańǵyrýyna qosylǵan úles bolyp qaldy. Qazirgi kúni Elbasy N. Nazarbaevtyń bastamasymen elimizde latyn qarpine kóshý jumysy qanat jaıyp otyr. Osy baǵytta da «Egemen Qazaqstan» gazeti bastama kórsetip, gazet ataýyn, taqyryptaryn latyn tiline kóshirdi. Búginde aptasyna 5 ret jaryq kóretin gazettiń ár nómirinde latyn qarpinde 1 bet materıal jaryq kórýde. Bul memlekettik tildiń damýyna degen úlken qurmet. Biz óz tarapymyzdan Otanymyzdyń bas gazetiniń mereıtoıyn laıyqty atap ótýge úles qospaqpyz, - deıdi Almaty oblystyq Tilderdi damytý basqarmasynyń basshysy Aıdar Bashbaev.
