Izgi nıeti úlbiregen án keshi alǵashqy ret Krasnoıar aýylynda ótkizilgen bolatyn. Keıin Kókshetaý qalasynda jalǵasty. О́zgeshe óńdi án keshine jınalǵan kópshilik ónerpazdyń ónerine de, nıetine de tánti boldy. Sóz arasynda Muratqazynyń Altaı aımaǵyndaǵy Shemirshi aýylynda dúnıege kelgendigin aıta ketsek artyqtyǵy bolmas. Ánshi óz janynan án de shyǵarady. Kúni búginge deıin elýden astam án jazypty. Eldi eleń etkizgen konserttik baǵdarlamasynda jańa ánderiniń de tusaýy kesildi. Basty taqyryby ar aldyndaǵy tazalyq, adamgershilikti aıalaý.
–Búgingi kúnniń eń ózekti máselesi – analardy ardaqtaý, áleýmettik-turmystyq jaǵdaılaryn jaqsartý bolyp tur,–deıdi ánshiniń ózi,–jalǵyzbasty ana Nurgúl Qarjaýova jeti perzentimen jaldamaly páterdi panalap júr eken. Tuńǵyshy 19 jasqa tolsa, kenjesi bir jasta. Osyndaı analarǵa kómektesýimiz kerek qoı. Sondyqtan, án keshin uıymdastyryp, túsken bar tabysty jalǵyzilikti anaǵa bergim keldi.
El ishinde osyndaı janashyr jandardyń bolǵany qandaı qýanysh. Jalǵyz Muratqazy ǵana emes, dúıim el izgilik shýaǵymen taǵdyr tálkeginen tońǵan analardy jylytýǵa bet burǵan. Máselen, oblys ortalyǵyndaǵy Naýan haziret atyndaǵy ortalyq meshit pen «Zeket» korporatıvtik qaıyrymdylyq qory qolǵa alǵan «El úlesi – páterge» jobasy aıasynda 2018 jyly úsh otbasy qonys toıyn toılady. Qarlyǵashtyń qanatymen qara órtke sý sepkeni tárizdi mysal. Tilekshiniń bárin túgendeı almaǵanymen, ár júrekte meıirim shýaǵy shalqyp turǵannyń ózi qandaı qýanysh.
Aqmola oblysy
