Konferensııaǵa M.K Ammosov atyndaǵy Soltústik-Shyǵys Federaldyq ýnıversıteti (Iаkýtsk, Reseı), Memlekettik áleýmettik-gýmanıtarlyq ýnıversıteti (Kolomna q., Reseı), A.Baıtursynov atyndaǵy Qostanaı memlekettik ýnıversıteti, S.Amanjolov atyndaǵy Shyǵys Qazaqstan Memlekettik ýnıversıteti jáne ál-Farabı atyndaǵy Qazaq ulttyq ýnıversıtetiniń jýrnalıstıka fakýltetiniń stýdentteri men magıstranttary qatysyp, ǵylymı baıandamalar jasady.
Konferensııa stýdentterdiń medıasaýattylyq jaıly bilimderin arttyrýdy, medıa bilim berý salasyndaǵy tájirıbelermen bólisý arqyly bolashaqta jastardyń aqparattyq saýattylyǵyn qalyptastyrýdy kózdeıdi.
Jastarǵa arnalǵan osy shara aıasynda «Stýdentterge medıasaýattylyq qajet pe?», – degen ózekti saýalǵa Reseı jáne Qazaqstan stýdentteri ózderiniń ǵylymı zertteýleri nátıjesinde jaýap berýge tyrysty. Onlaın konferensııanyń nátıjesi retinde jýrnalıstıka mamandyǵy boıynda «Medıasaýattylyq» pánin tańdaý páni retinde engizý jáne medıa bilim berýge erekshe nazar aýdarý qajettiligi týraly usynystar jasaldy. Qatysýshylardyń ǵylymı tezısteri Stýdentter men jas ǵalymdardyń «Farabı álemi» atty halyqaralyq ǵylymı konferensııasynyń jınaǵyna jarııalanady.
Onlaın platformaǵa qatysýshylar bul sharanyń ózderi úshin tájirıbelik mańyzy jáne bilimı qundylyǵy joǵary bolǵanyn erekshe atap ótti. Bolashaqta bul halyqaralyq onlaın konferensııany jyl saıyn ótkiziletin sharaǵa aınaldyrý usynysy biraýyzdan qoldaý tapty.
Konferensııanyń uıymdastyrýǵa fılologııa ǵylymynyń kandıdaty, dosent, dekannyń ǵylymı-ınnovasııalyq qyzmet jáne halyqaralyq baılanys jónindegi orynbasary Qarlyǵa Mysaeva menprofessor Ǵalııa Ibraeva uıytqy boldy.
