Konferensııanyń kún tártibine Elbasy Nursultan Nazarbaevtyń Nur Otan partııasynyń kezekti XVIII sezinde halyqtyń ál-aýqatyn arttyrýǵa baǵyttalǵan mindetterdiń elimizde júzege asyrylýy jáne partııanyń oblystyq fılıalynyń tóraǵasyn saılaý máseleleri engizildi. Máýlen Áshimbaev Ermek Marjyqpaevtyń kandıdatýrasyn partııanyń oblystyq fılıaly tóraǵasy qyzmetine usyndy. Delegattar usynysty biraýyzdan qoldap, daýys berdi. Oblys ákimi Ermek Marjyqpaevqa Nur Otan partııasy Aqmola oblystyq fılıaly tóraǵasynyń kýáligi tapsyryldy.
Konferensııada Nur Otan partııasy Jarqaıyń aýdandyq fılıalynyń tóraǵasy Murat Balpan, Nur Otan partııasynyń múshesi, «100 jańa esim» respýblıkalyq baıqaýynyń jeńimpazy, Kókshetaý qalasyndaǵy gýmanıtarlyq-tehnıkalyq mektep-lıseıiniń dırektory Natalıa Dementeva, Nur Otan partııasy Zerendi aýdandyq fılıaly tóraǵasynyń birinshi orynbasary Baqytjan Aıdosova sóz sóılep, Elbasynyń Nur Otan partııasynyń kezekti XVIII sezinde halyqtyń ál-aýqatyn arttyrýǵa baǵyttalǵan mindetterdiń óńirlerde júzege asyrylý barysy týraly jan-jaqty dáıektep aıtyp berdi.
Atalǵan joba aıasynda partııa oblystyq fılıalynyń qoǵamdyq qabyldaý bólmesinde ashylǵan Biryńǵaı áleýmettik terezege bir aıdyń ishinde kóp balaly otbasylardan 431 ótinish kelip túsip, onyń jartysyna jýyǵy, naqtyraq aıtsaq, 43 paıyzy oń sheshimin tapqan. Kóp balaly otbasylardyń kóterip otyrǵan máseleleri salmaqty ekendigin eskerer bolsaq, bul oraıdaǵy jumys nátıjesi aýyz toltyryp aıtarlyqtaı.
Sapar barysynda M.Áshimbaev E.Marjyqpaevpen birge «Halyqqa kómek» jobasy aıasynda jańasha ekpin alǵan qoǵamdyq qabyldaý bólmesiniń jumysymen tanysty. Bul jerde qabyldaýǵa kelgen kóp balaly otbasynyń máselesi oń sheshimin taýyp, ótinish aıta kelgen stýdent qyzdarynyń oqý aqysyn tóleýge kómek kórsetildi. Máseleniń taban aýzynda sheshilgenin kórgen jurtshylyq taǵy da óz senimin nyqtaı tústi. Burynǵydaı emes, halyq qazir bılikpen tikeleı tildese alady. Halyq qulaǵdar bolýy úshin azamattar mynandaı saıt (kk.nurotan.kz), elektrondy poshta (komek@nurotan.kz), Call Center arqyly (8 800 080 4441) óz ótinishterin bildire alady. Sonymen birge áleýmettik jeliler men WhatsApp messendjeri (8 700 800 441) jáne Elektrondy úkimet portaly arqyly da kómek surap hat jazýǵa múmkindik qarastyrylǵan.
– «Halyqqa kómek» – tikeleı Elbasynyń tapsyrmasymen qolǵa alynǵan joba. Sondyqtan azamattardyń ótinishterine erekshe mán berip, belsendiligimizdi odan ári arttyratyn bolamyz. Ár ótinish nazardan tys qalmaı, tıisti jumystar júrgiziledi. Bizdiń basty qaǵıdamyz halyqty alańdatqan máselelerdi sheship, olarǵa bir jerde jáne dereý qyzmet kórsetý, – dedi M.Áshimbaev.
Partııa Tóraǵasy anyqtap bergen mańyzdy basymdyqtardyń biri – «Baqytty otbasy» jobasy. Bul bastama tikeleı kóp balaly jáne áleýmettik az qamtylǵan otbasylarǵa júıeli qoldaý kórsetýge baǵyttalǵan. Osy joba aıasynda M.Áshimbaev Kókshetaý qalasynda turatyn Qaqjanovtar shańyraǵyna arnaıy baryp, tynys-tirshiligimen tanysty. Bul otbasy tórt bala tárbıelep otyr. О́kinishke qaraı, olardyń ekeýi sal aýrýyna shaldyqqan. Buǵan deıin otbasy eki bólmeli páteriniń qalǵan qaryzyn ótep, tolyq satyp alý úshin partııadan kómek suraǵan bolatyn. Partııa Tóraǵasynyń birinshi orynbasary otbasyna 1 mıllıon teńgeniń sertıfıkatyn tabys etti.
Atalǵan máselege baılanysty M.Áshimbaev partııanyń jergilikti fılıalyna tótenshe jaǵdaımen kúres jumystaryn baqylaýda ustap, zardap shekken ár azamatqa memleket tarapynan beriletin mindetti kómektiń kórsetilýin qadaǵalaýdy tapsyrdy.
Sondaı-aq M.Áshimbaev partııanyń aımaqtyq aktıvimen kezdesti. Jergilikti nurotandyqtar aldynda sóılegen sózinde ol Elbasy saıasatyn odan ári jalǵastyrý, sol jumystarǵa partııanyń yqpal etýi asa mańyzdy ekendigin qadap aıtty. Odan bólek, partııanyń jańadan qabyldanǵan «Baqýatty qoǵam: onjyldyqtyń 10 maqsaty» atty baǵdarlamasyn júzege asyrý barysyna nazar aýdardy.
