Sýretti túsirgen Rafhat HALELOV
Múmkindigi shekteýli balalarǵa arnalǵan bul festıvaldiń aýdandyq kezeńine Batys Qazaqstan oblysynan 500-ge jýyq bala qatysyp, erekshe tartysty ótken bolatyn. Bul syn – sol irikteýden ótken órender úshin
Elimizde dástúrge aınalǵan bul sharanyń maqsaty - erekshe qajettiligi bar balalar men jasóspirimderdiń shyǵarmashylyq qabiletin, áleýmettik belsendiligin damytý, qoǵamdyq ortada ózderin erkin sezinýge kómektesý bolatyn. Festıval barysynda qatysýshylar «Vokal», «Horeografııa», «Ym-ısharatpen án aıtý» nomınasııalary boıynsha ónerlerin ortaǵa saldy. Sondaı-aq festıvaldiń «Beıneleý óneri», «Kórkem-qoldanbaly óner» atalymdary boıynsha teatr foıesinde úzdik jumystardyń kórmesi uıymdastyrylyp, kórermen kóńilinen shyqty.
Osy keshte ertegi keıipkerleriniń beınesindegi anımatorlar men «jasulandyqtar» balalarǵa fleshmob uıymdastyryp, ádemi kóńil-kúı syılady.
Festıvaldiń sátti ótýine «Oral-Dez» JShS dırektory Aslan Qarabalın, «Fırma Server plıýs» JShS dırektory Alekseı Naýmov, jeke kásipker Kúnsulý Qılambekova, «Steklo Servıs» JShS dırektory Arkadıı Rýbsov, jeke kásipker Nurjamal Qabaqova, jeke kásipker Aýhat Ońǵarov, jeke kásipker, «Art dance» dırektory Dınara Merǵalıevalar demeýshi bolyp, qoldaý kórsetti.
Barlyq qatysýshylar Batys Qazaqstan oblystyq bilim basqarmasynyń alǵys haty men baǵaly syılyqtarmen marapattaldy.
Oblystyq birinshi kezeńnen iriktelgen balalar respýblıkalyq baıqaýǵa joldama aldy.
